請屋企個⭐️12月之星去食好西～ 點名要食龍蝦🦞食海鮮～ 咁就揾食揾到嚟土瓜灣嘅「🍷 CINCIN Bistro Wine Coffee」～ 「🦞🥗龍蝦沙律」 造型上先聲奪人，半生熟龍蝦肉又彈又滑～ 配上新鮮芒果🥭同香草醬汁～ 酸酸甜甜夠開胃，份量亦都啱啱好～ 作為前菜好食得嚟唔搶主菜戲👍🏻 「🍕龍蝦PIZZA」 ⭐️必點之作！勁好食呀😋～ 雖然個蝦頭一嚟到就瞓低左🤣 不過係唔會影響味道嘅～ pizza焗得剛好，淡淡地千島汁配上勁香濃嘅芝士同大大件嘅龍蝦肉～ 少少鹹甜味帶起龍蝦肉嘅鮮美～ 加上pizza香脆嘅口感，趁熱食絕對勁滿足❤️ 「🦑墨魚汁大蝦皇扁意粉🍝」 開邊嘅🦐大蝦皇望到就流口水喇🤤 初入口味道唔錯，但稍為後勁唔凌厲～ 明顯有啲🤏🏻唔夠入味～ 不過墨魚汁扁意粉先係成碟意粉嘅精髓✨ 墨魚汁做得好其實唔容易，調味得好準先至唔會有腥味～ 扁意粉吸收晒墨魚汁嘅味道，仲食得出有淡淡嘅酒香～ 鮮味滿分💯，仲有其實墨魚汁好有營養㗎～ 高抗氧化仲抗炎抗菌，所以唔好怕佢黑麻麻要多食呀👍🏻 「🌿帶子露筍香草醬長通粉」 我好鍾意食青醬，呢個令到我食唔停口🤤 一上枱佢真係好香，聞到都已經想食～ 長通粉質地正常偏硬，如果想比小朋友食可能要order整軟身少少～ 至於味道方面整體比較惹味，配上肥美嘅帶子跟香脆露筍～ 你一啖我一啖，2個人瞬間清曬lu😛 「🍹Phoenix & Vitamin」 飲品方面叫左2杯somoothie ~ 我勁鍾意我杯Phoenix❤️ 初入口味道好似🍓雜莓糖，但隨後湧出🍉西瓜嘅清香～ 仲有啲奇亞籽，好好咬口～ 另一杯Vitamin，一聽就知夠曬健康😝 一開始酸味較重，嚟自橙同菠蘿🍍～ 飲到一半後就開始飲到香蕉嘅甜味～ 我覺得味道都幾得意呀～ 🍷CINCIN (土瓜灣) 📍土瓜灣新山道32號地下A號舖
