難得好閨蜜得閒又買左新相機📸 一於揀間「巧有feel」嘅餐廳嚟試下新機兼談心～ 山林道個邊靚裝修餐廳有唔少，今次就揀左專食🇪🇸西班牙菜嘅「Tapa Room」～ 而打卡談心為重點，所以都盡量揀啲輕食類😝 - 「🍊柑橘果汁浸漬珍寶北海道帶子」 帶子好肥美，而略略咁炙燒過，口感一絲絲間滲軟～ 重點嘅柑橘果汁浸漬，本來都驚會唔會好酸～ 但又冇wor, 雖然冇柚子嚟得咁清香優雅～ 但柑橘類所帶嚟嘅清新激情，一樣激得起帶子嘅鮮甜！ 「🦪海膽汁及墨魚汁燒蠔」 鐘意食蠔嘅你一定要試！ 隻蠔本身好高質，鮮甜肥美又滑🤤🤤 更加專登搭配分別代表日本特色嘅海膽汁同西班牙特色嘅墨魚汁燒製而成，2個醬汁都有提鮮之效👍🏻 不過如果你話佢係燒蠔，我反而覺得佢更似係炸蠔～ 因為蠔嘅外皮明顯有一層炸粉～ anyway 理得佢燒定炸，好食就係一隻出色嘅蠔😝 「🐟煎鮟鱇魚肝·羅勒些利酒醋漬汁」 鮟鱇魚呢條魚我自己最鐘意食佢嘅部位其實係面珠墩😝 講返佢個肝先，有海底鵝肝嘅稱號～ 口感係有啲似，但相對地佢係一條魚所以冇咁油膩～ 而今次呢個羅勒些利酒醋漬汁我覺得都好有驚喜～ 食到應該有用鰹魚汁做底跟住再落Sherry～ 酸得嚟有種好日式嘅味道，感覺呢個汁配乜海鮮都一樣好食👍🏻 「🐙烤原隻八爪魚腿配西班牙青醬」 真係好大條八爪魚腳！烤得好香🤤🤤 雖然佢烤到啱啱好，一啲都唔橡筋，仲好彈牙～ 但係🔪識切盡量都切得薄少少，咁樣點醬食先更入味～ 本身我好鐘意食青醬，有人會略嫌香草味太重～ 但係呢一款清新醬就同八爪魚好夾～ 一拍即合👏🏻解左香烤嘅油膩感～ 另外頭先魚肝個Sherry真係唔好嘥咗佢！ 點呢隻八爪魚腳一樣咁好味😋 「🍹MAD FOR MATCHA & OOLONG ISLAND TEA」 話左要談心點可以冇野飲❤️ 閨蜜點嘅抹茶cocktail比較重口味，抹茶加sake好夾～ 熱情果嘅酸甜味都好出，仲有玩味嘅棉花糖係面～ 正常係女仔都會一定鐘意呢款～ 由於唔想紅面影相，所以我嘅oolong island變左做mocktail~ oolong+earl grey 味好突出，好清新解膩一流👍🏻 但覺得自己走左酒又真係儍仔左～ 係好飲但層次上就真係爭左少少咁喇🤏🏻🤏🏻 「Tapa Room (尖沙咀)」 📍尖沙咀彌敦道176號The Nate 2樓B號舖
