お肉割烹而今💦水無月$1980 喺香港食omakase就多，但割烹料理就比較少，今次呢間「お肉割烹而今」其實係「燒肉而今」副線，主打日本割烹高級料理，「割」師父大顯刀功「烹」以火即場煮熟，仲配合傳統懷石料理及omakase，再配上當天日本直送頂級新鮮食材，當晚並由擁有18年懷石興割烹經驗日籍大廚大谷誠師父主理 今晚菜單以六月水無月作主題，成個美食流程非要豐富，先付：燒牛肉以慢煮鹿兒島薩摩和牛A5後腿肉，色澤粉嫩入口肉質柔軟，面頭加上鹹香西伯利亞鱘魚子醬 前菜擺盤精美，日本人對食相當有要求外，連造型都極花心思，分別有鱚魚新茶干、鮮甜甘香榮螺旨煮、空豆、汁伴黄麻菜、酸咪咪沖繩水雲酢、酢鰻魚、香脆素炸澤蟹及烹調到好入味時雨煮和牛，每一款都各有特色 你睇幾大隻黑邊鮑魚，就係大谷誠師父盡顯刀功時候，切割到入口非常爽脆，而椀物內仲有粟米豆腐及小蜜瓜，所以湯底夠哂清甜 向付就係當晚數款刺身，鮮甜白蝦、充滿柚子胡椒味道金目鯛、仲有大愛兩款採用高知県的野生吞拿魚中拖羅及大拖羅，入口即溶魚油脂滿滿 另外餐單以外追加「藁燒牛舌昆布締漬」$220，由師父即場用稻草高溫串燒，牛舌外層微脆裡面爽中帶軟，係不一樣的燒牛舌體驗 揚物用上A5和牛牛柳做成吉列三文治，厚嫩和牛入口牛脂滿滿，仲用咗香脆多士一齊食 進肴用蟹蓋放上天使麵，加入鮮甜海膽及梭子蟹膏，仲有師傅自己生曬嘅烏魚子，整體鹹鮮惹味 鍋物係我喜歡嘅壽喜燒，用霜降級別鹿兒島和牛西冷，一大片粉嫩和牛用作壽喜燒，再沾上橙紅色日本蛋汁，真係極邪惡，仲有經壽喜燒煮過嘅配菜都好好食 食事係章魚生薑釜飯，飯粒分明又飽滿，食落味道清香，仲有章魚粒口感，連飯焦都特別美味 甘味係香甜日本菓子，再配桃菠蘿及日本西瓜，菓子入口微微煙韌軟糯，最後配上一口回甘抹茶中和一點甜膩感 餐廳：お肉割烹 而今 地址：尖沙咀梳士巴利道18號Victoria Dockside K11 Musea 5樓506號舖 ================================ 可點擊以下i'd進入各平台 多個平台Blog及專頁分享 - 有齊各平台連結 https://linktr.ee/eddie_ilovefood777 Facebook : 愛食愛玩愛享受 Instagram : @eddie_ilovefood777 MeWe : 愛食愛玩愛享受 Youtube : 愛食愛玩愛享受 小紅書 : 愛食愛玩愛享受 Trip.com : 愛食愛玩愛享受 U Lifestyle 社群 : 愛食愛玩愛享受 Openrice : eddie_ilovefood777 大眾點評 : 愛食愛玩愛享受 Google Maps : 愛食愛玩愛享受 Tripadvisor : eddie_ilovefood777 Blogspot 。U Blog 。FanPiece。she.com : 愛食愛玩愛享受 =============================== E-mail : eddieng1016@gmail.com =============================== #お肉割烹而今 #尖沙咀美食 #割烹 #艾迪 #愛食愛玩愛享受 #hkfood #hkfoodie #hkblogger #hkfoodblogger #hkrestaurant #topcitybites #discoverhongkong #hk #topcitybiteshk #hongkong #hongkonger #香港 #手機食先 #相機食先 #美食 #食好西 #日本 #香港美食 #週末好去處 #香港好去處 #食記 #香港人 #割烹料理 #日本菜 #k11musea
