認識我嘅人都知道，Biiru 係比較遲先識講野，衣家3歲多d 先開始識得陳述發生過嘅事比媽Me 我知，當然有時都會語出驚人，對話仲天馬行空好好笑。 不過搞掂中文，又好似追唔切英文，由於baba 媽Me 英文都唔係太好，所以都好少同佢講英文，費事越教越錯😂 之前因為想佢接觸多d 英文，用過唔同方法，亦下載過英文遊戲app，但果個app 最終比佢亂玩一通，乜都學唔到。後來發現原來係因為缺乏章節、沒有學習等級、內容重覆、而且指引太少，對於小朋友用家來說，有點無所適從，繼而就係亂撳亂畫亂玩。 而咁啱早排遇上Lingumi 邀請試用，正正取代咗Biiru 成日嘈住要玩但又冇乜成效嘅app😂 由於學習類型嘅app 唔會一日就可以衡量好壞，所以過去一星期每日都抽出約15分鐘陪Biiru 一齊玩來代替睇電視。 Lingumi 介面清晰，分別三個區域：老師時間，課程及小遊戲，另外更設有家長區，登入就可睇返小朋友學習進度，更可隨時重溫課程。 課程除咗提供三個level，每個level 有60堂，亦提供多元化主題，涵蓋了小朋友經常接觸嘅題材，例如：時間/去海邊玩/超市/廚房生活/動物園之旅...等等，令成件事非常貼地，小朋友玩得開心，有共鳴地學習👍🏻👍🏻 老師時間 真人老師畫面，會講嘢會唱歌，聲畫俱存。最欣賞2位老師講嘢時口形誇張得來唔突兀，語速較慢而且不時重覆，加上表情豐富發音清晰，令Biiru 自自然然就跟住一齊讀，仲可以增加佢地專注力同埋訓練聆聽。 遊戲時間 種類繁多包括口語、基礎單字、食物、數字動物、日常生話甚至太空相關等等。 Biiru 最鐘意交通工具，一黎到諗都唔諗就點讀汽車題材，有畫面情景轉換，同時教導發音。 除咗小遊戲，更滲入互動機會，提供問答環節及口語錄音訓練，讀得唔好仲會鼓勵小朋友重新嘗試！ 過去一星期，每日我比Biiru 進行兩節學習（每節15分鐘，有效控制小朋友嘅螢幕使用時間），雖然有時仍然要從旁協助，但有8成時間佢都可以自行完成。 衣個來自英國嘅Lingumi，課程設計符合 CEFR 劍橋語言標準 A1 程度，卻係一個3歲小朋友都可以輕鬆使用嘅app，課程循序漸進內容又豐富，由於操作上互動率高，唔單止令小朋友有選擇權，更滿足到佢地滑屏幕打機嘅控制欲😂 整體而言課程設計培養專注力又有趣味，寓學習於娛樂，使用時當Biiru 太耐冇反應又或者唔識回應時，都會有提示提醒小朋友點按，所以唔怕小朋友眼定定睇到on 居居，甚至因為操作太複雜而生厭放棄，有時萬一要行開行埋一陣，放低比佢地自己玩都完全冇問題！ 現今小朋友本身就存在喺電子產品世界，預期要避開佢，不如用得其所，花眼力同精神喺更值得嘅地方~ 試用後，真心比讚👍🏻 每月只係幾十蚊，比出面比錢上堂更容易了解小朋友學習進度，方便家長幫小朋友重溫課程，唔洗做功課又冇壓力，仲可以代替咗部份睇電視時間🤭 所以，我決定比Biiru 繼續「玩」！ 衣家直接點入https://bit.ly/Biiru_Lingumi 並輸入專屬優惠碼「BIIRU」，不論選擇任何方案都可享8折優惠❤️ * 7日試堂內如果覺得唔啱玩仲可以退款咖！試咗先講！ #兒童英文 #牛津英語 #兒童英語 #幼兒英語 #親子共學 #英文APP #英文口說練習 #Lingumi
