火炭貴為工廠區，地盤又多，無啦啦真係唔會走去。 不過眾所周知，各個工廠區內好多上樓好西，例如打卡Cafe，餐廳，不過大部份都係以食為主。 今日介紹衣個唔洗捐窿捐罅嘅隱世洋酒Showroom，點解唔使捐窿捐罅但又隱世？ 因為門面長期只開半閘，雖然鋪面面向馬路，但低調地只有一個紅底金字簡潔招牌「新華公司」掛喺頭頂，如果唔係因為門口大大幅嘅Martell 燕子，都唔會知道半閘後陳列各款新舊洋酒。 拉開透明冷氣簾，最裡頭係寫字樓，而陳列架喺近門口位置。 鋪內完全沒有華麗高格調嘅裝潢，簡樸隨意，各大小品牌酒箱堆滿一地，由牆腳到天花都擺滿琳瑯滿目嘅酒😍 入到去係一份隨意觀賞嘅自由（最怕有sales 跟尾，手拎起邊枝就sell 邊枝果d，又怕貴酒擺放太高格調連拎上手都唔敢），但如果你有需要亦都可以請求協助，馬上就有人為你講解甚至按係你喜好口味推薦比你。 新華公司由1975年經營至今，擁有自己車隊，行內亦無人不曉，翻看其社交平台亦見一篇訪問，原來當初做啤酒起家，大量批發，搬搬抬抬，一分一毫得來不易。 時至今日，已經發展到代理洋酒，甚至連一d 罐裝樽裝汽水、茶飲都有經營。而生意亦已交由兩名第二代接班人打理，佢地除了守業，更因社會需求與時並進而發展埋網上平台，務求將洋酒帶到更廣闊嘅年齡層面，涉足更多客群。 Showroom 唔算好大，但種類繁多，勝在夠多選擇，而且日常耳熟能詳嘅牌子都會搵到佢嘅蹤影。鋪內主要擺放洋酒、紅白酒、香檳、氈酒、清酒、其他烈酒...但通常只會存放少量，如果需要大量購買、非酒精飲料及啤酒則主要存放喺樓上貨倉。 重點新華公司一直以來都主力做開批發，所以即使你Walk-in 行入去以零售價購買都比一般市面便宜。 限聚令放寛，疫情放緩，聚會開始多，如果自己私人party 買滿$1000 就可安排2天內送貨😍😍 另外更設有Tailor made Package，如果公司搞活動、婚宴、生日會等等都可以再商量套餐組合及價錢！ 隨便拎起幾枝報個價： -名士馬爹利 (舊裝) $2848 -軒尼詩 Hennessy V.S.O.P. 2021 Limited Edition by Refik Anadol 700ml $650 -響HIBIKI 21年 $8390 -藍帶馬爹利 300周年限量版3公升 $6908 -「六」Roku Gin $340 -奔富Penfolds Bin 389 2019 Cab Shiraz $473 -Château d'Esclans Whispering Angel Rosé $130 由於種類繁多，未能盡錄 *以上價錢只作參考，如有更新恕不另行更新文章，詳情請自行WhatsApp 新華公司查詢 *部份酒品資料及照片取自新華公司社交平台 地址： 火炭禾香街12-36號百適一倉地下（停車場行前幾個鋪位）--火車站D 出口只需步行3分鐘 查詢/報價： WhatsApp (已更新 12/5）https://bit.ly/3wiWKoA 營業時間： 星期一至五 09:00-17:00 星期六 09:00-13:00 星期日及公眾假期 休息
