🍡錦市場美食掃街似足《千與千尋》入面嘅美食🏮 由京都車站行到錦市場,老實講唔算近,同埋遊客亦會多到好似旺角行人專用區,但係秩序一流,大家都好有禮貌咁排隊慢慢行,冇乜迫迫疊感覺~最重要係雖然每日咁多人流,但係成個市場都好乾淨整潔👍🏻 嚟到真係樣樣都想試!大大條蟹棒、新鮮燒扇貝、香噴噴燒鰻魚、仲有QQ嘅Snoopy紅豆餅同香噴噴嘅番薯甜品!成條街都係誇張巨型嘅美食,每間舖頭都將最靚嘅嘢整到大大份咁擺出嚟~ 手信推介 🎁 講到京都傳統小食,一定唔少得新八橋,係糯米皮包住豆沙餡嘅小食,軟糯香甜,仲可以試到啱先買~特別版嘅牛奶妹味都好吸引!最後,推薦辣椒控必去「京都の七味とうがらし」掃手信!佢哋嘅舞妓系列七味粉好出名,無論係仙貝定係調味料,辣度都係唔可以睇少🔥