#fufuland #深圳 #梳芙厘 #舒芙蕾 #皇庭廣場 #新店 #抺茶軟雪糕梳芙厘 #pancake fufuland(深圳首店） 地址：福田皇庭廣場G-Z-36 (地鐵4號線會展中心站C出口) Hello大家好今日就同大家試一間深圳皇庭廣場新開嘅甜品店 ～就係最近人氣非常高既長龍店Fufuland，專賣疏乎厘＋軟雪糕專門店，除左深圳之後，係大陸好多地方都有分店，而呢間位於皇庭廣場既分店岩岩係一月開，咁當然要去朝聖一下。 ～大家可以係福田口岸搭地鐵4號線，搭兩個站去到会展中心C出口 ～佢嘅位置呢就係喺皇庭廣場地下層中庭位置，即係大家經過卡馬王子之後，向右面方向行，大約一分鐘左右，就會見到㗎喇。 ～呢間店我總共去過三次，今次終於可以幫襯, 第一次呢係因為太多人,，當時知道起碼要排半個鐘至一個鐘所以冇排到 ～第二次就因為已經截咗人落喇咁又排唔到啦 ～好啦第三次終於都嚟到喇咁今日呢就係禮拜六下晝一點左右，咁人龍呢就唔多嘅，所以就決定試一試喇，今次買飛就唔使排隊直接買到㗎喇，不過拎嘢食呢就要等大約十分鐘。 咁究竟fufuland有咩吸引力呢，我哋先睇下呢間店嘅招牌貨先啦，咁就係呢個梳乎厘班戟，即係佢地叫嘅舒芙蕾啦 ～ 咁呢度買嘅產品主要分為3類 1 梳乎厘系列： 主要呢就係將一啲整好咗嘅梳乎厘中間切開一半，然後就夾一啲餡料入去，咁d餡料係一啲唔同味嘅cream同埋生果, 例如有 北海道牛乳、宇治抹茶柚子、杏仁豆腐、雪覆草莓、 海鹽奧利奧、雪覆晴王、抹茶等等d味道。價錢$16-23 咁呢個呢就可以係逐個逐個咁買，即食或者放入盒外賣都得，由於我有朋友食過呢就話比較漏，所以我就冇試喇。 第二個係呢隻軟雪糕系列，呢個先至係我今日嘅重點， 雪糕有兩個口味包括係牛奶同埋抹茶,價錢$23 第三類就係軟雪糕加梳乎厘pancake系列， 咁，呢個就係最多人打卡買嚟食，睇得又食得，係我覺得最值得推介項目 ～對於一個喜歡吃甜品的人來說疏乎厘是非常吸引，因為佢口感輕盈， 食起上嚟既罪惡感相對較少。 ～咁由於我本身都係抹茶控，所以我係揀咗抹茶軟雪糕加梳乎厘pancake。 ～咁首講下抹茶雪糕，食落去不会甜膩，甜度岩岩好，口感綿密， 綠茶味都算幾濃鬱 ，梳乎厘班戟，口感都q彈, 但蛋香味爭少少，有入口即融的感觉， 有人就鍾意兩樣加埋一齊食，不過我就覺得分開食，可以食到兩種唔同嘅味道其實係更加好嘅 ，另外仲粒草莓，一次吃到3 种食物，都只係$29,性价比幾高。 咁最後講下個服務啦，工作人員有d負整pancake, 打發忌廉，即雪糕，由於現場都好多客人，佢哋其實都會快手排球咁整好啲嘢交到客人手上嘅。
