【搵食街】北角復古宮廷火鍋店「滾得囍宮廷火鍋小炒」|火鍋湯底新鮮淆製|手工火鍋配料即叫即做|生食A4和牛刺身|手切騸牯牛牛頸脊|香港搵食 香港餐廳推介| 湯底: 吳三桂冬瓜瑤柱脯湯鍋 用咗一大件冬瓜,冬瓜湯煲足三小時,健脾又滋潤,湯色非常清。 海鮮拼盤 有大大隻扇貝、青口、蟶子皇、新鮮海蝦同沙白蜆。扇貝鮮甜,肉質厚實;蟶子皇肉質滑嫩又帶點爽脆。 手切A4和牛 除咗可以打邊爐咁食之外,呢盤A4和牛仲可以當刺身咁生食,入口好滑身好柔軟,和牛油脂香濃。 御前一品 手切牛肉拼盤 集齊咗四個唔同地方嘅牛肉,分別有韓牛、澳洲和牛、本地牛同埋安格斯牛。澳洲和牛食落多汁,油脂感香;手切安格斯食落嫩滑;韓牛肩胛牛味最濃郁;本地牛頸脊肉味香濃,油脂感適中。 手切本地牛頸脊 餐牌上寫明係用騸牯牛,脂肪含量會比未閹嘅「生牯牛」為高,雪花細緻,油脂均勻,入口係鮮嫩甘香。 即叫即做手工火鍋配料 超邪惡嘅黃金響鈴,鹹蛋黃味香濃。 鳳尾鮮蝦餃子工序繁複,蝦要先去殼、去蝦線、留番蝦嘅尾部,清洗控乾之後再包成餃子。 滾得囍宮廷手打丸拼盤,一共有十粒,包括有墨汁帶子墨魚丸、黑松露蝦丸、芝士牛肉丸、帶子墨魚丸同埋菠菜豬肉丸,款款都各有特式。 餐廳而家仲有個消費券優惠計劃,只要消費滿$1500,$500可以當$1000咁用,逢星期一至四任何時段都可以用,優惠詳情可以向餐廳查詢番。 . 滾得囍宮廷火鍋小炒 地址:北角馬寶道33號馬寶學林1樓116-125號舖 電話:23313838 --------------------------------------------------- 👇想每日緊貼我們最新的資訊,記得追蹤搵食街各大社交平台👇 ✅ Follow Instagram:@foodguide_hk https://bit.ly/3qvtVAA ✅ 讚好 Facebook:@搵食街 Food Guide HK https://bit.ly/3ei3RXa ✅ 訂閱Youtube Channel:@搵食街 Food Guide HK https://bit.ly/3bo64OB ✅ 我地開咗Mewe喇:@搵食街 Food Guide HK https://bit.ly/3sJPyPE ✅ 廣告/報料/查詢:foodguidehk2020@gmail.com ✅ 或直接inbox我們 --------------------------------------------------- #搵食街 #Foodguidehk #hkfoodblog #hkfoodlover #foodie #hkrestaurant #foodoftheday #foodofinstagram #foodiegram #香港美食 #香港必食 #香港餐廳 #香港美食指南 #香港美食日記 #香港餐廳介紹 #餐廳介紹 #香港餐廳推介 #香港餐廳推薦 #燒肉 #火鍋 #香港火鍋 #搵食街北角 #北角餐廳 #北角必食 #北角美食 #打邊爐 #和牛 #滾得囍宮廷火鍋小炒