【搵食街】中環新派點心半任食套餐|多達24款前菜、點心、甜品任點任食|香港搵食 香港餐廳推介 放工飲夜茶,仲有得任食點心!今次介紹嘅餐廳係位於中環南豐大廈2樓嘅飲茶。佢哋最近推出咗個半任食套餐,包咗海鮮冬蓉羹、一客主菜,仲有多達24款前菜、點心、甜品任點任食,收費$198/位,仲要免加一免茶位。 餐廳環境舒適,坐位闊落,設多塊落地玻璃,裝修比較年輕新潮。 半任食套餐包了一客主食,五選一:避風塘炸三文魚腩/炸bb鴿/鳳梨咕嚕/黑椒牛仔骨(+$39)/水煮龍蝦尾(+$69) 炸bb鴿 火候適中,外皮香脆,點埋淮鹽一齊食,香口惹味。 鳳梨咕嚕 即係菠蘿咕嚕肉,食落有驚喜!咕嚕肉外層酥脆,內裡肉嫩!用上新鮮鳳梨,醬汁酸酸甜甜,幾開胃。 多款點心任叫,餐廳嘅招牌點心都有得任食。 功序繁多嘅鵪鶉蛋燒賣、港人最愛蟹籽燒賣、芝士蝦春卷、菠蘿叉燒酥等等。作為新派點心餐廳,點心質素保持水準之餘,更在點心外觀上落足功夫,製成多款吸睛點心,打卡一流。 人氣睇住流奶 招牌流心奶黃包,外觀可愛,輕輕按壓後,真係睇住佢流奶。 一籠八戒 即係叉燒包,叉燒包夠鬆軟,只係略嫌叉燒餡料唔夠多,味道中規中矩。 有部份點心,只睇佢個名係未必估到係咩嚟,要叫到上枱,食埋落肚先知,帶有一點神秘感。總括來說,點心質素做得唔錯,滿足到視覺效果之餘,亦保留住傳統點心嘅味道。美中不足嘅係主食選擇少了一點,五款主食中有兩款需額外加錢,如果能夠增添多兩三款不用加錢嘅主食,相信會更吸引。 . 飲茶 Yum Cha 地址:中環德輔道中173號南豐大廈2樓1-2號舖 電話:37088081 --------------------------------------------------- 👇想每日緊貼我們最新的資訊,記得追蹤搵食街各大社交平台👇 ✅ Follow Instagram:@foodguide_hk https://bit.ly/3qvtVAA ✅ 讚好 Facebook:@搵食街 Food Guide HK https://bit.ly/3ei3RXa ✅ 訂閱Youtube Channel:@搵食街 Food Guide HK https://bit.ly/3bo64OB ✅ 我地開咗Mewe喇:@搵食街 Food Guide HK https://bit.ly/3sJPyPE ✅ 廣告/報料/查詢:foodguidehk2020@gmail.com ✅ 或直接inbox我們 --------------------------------------------------- #搵食街 #Foodguidehk #hkfoodblog #hkfoodlover #香港美食 #香港必食 #香港餐廳 #香港打卡 #香港加油 #香港美食指南 #香港美食日記 #香港好去處 #香港餐廳介紹 #餐廳介紹 #香港餐廳推介 #香港餐廳推薦 #燒肉 #火鍋 #香港火鍋 #壽司 #放題 #自助餐 #食好西 #咖啡店 #香港咖啡店 #搵食街中環 #中環餐廳 #中環必食 #中環美食