位於雙子滙14樓嘅西班牙餐廳，有個超開揚嘅室外座位，景觀一流，無論日景或夜景都一樣咁靚。 🥢紅蝦牛油果他他 $148 外型好似蛋糕一般精緻，卜卜脆鹹鮮三文魚籽、爽口鮮甜紅蝦，再配合滑溜溜嘅牛油果他他，完全係食材本身嘅原味道，好味。 🥢蕃茄酸種麵包$58 大塊過手掌嘅酸種包，口感香脆，配上香草味濃郁而又酸爽清甜嘅蕃茄蓉，好夾。 🥢黑毛豬火腿無花果沙律$118 黑毛豬火腿口感煙韌，味鹹香，無花果清甜並配合奶香味濃郁嘅芝士碎，與新鮮沙律菜一齊食，惹味又清新。 🥢明太子蟹肉玉子燒$128 卜卜脆鹹鮮三文魚籽、滑溜鹹香明太子醬再加埋鮮甜蟹肉，與軟綿味香嘅玉子燒湊成好味搭檔。 🥢西班牙青椒仔$68 烤過嘅青椒仔味道濃郁，只係加咗少少鹽就能突出到青椒仔清甜嘅原味道。 🍰開心果巴斯克蛋糕$78 芝士味非常濃郁，但亦掩蓋唔到開心果嘅果仁味道，外面焦香厚實，內裡 軟綿濕潤又絲滑，高質。 🍹Natsu$68 呢杯mocktail以熱情果、蜜糖及烏龍所混合而成，微甜，口感清新舒爽。 🍸Hoji$138 呢杯cocktail帶着淡雅嘅焙茶香，同時亦帶馥郁嘅雲呢拿味，雖以Gin酒作基底，但絕對不搶喉，醇香順喉。 上次朋友响呢喥食午餐，今次同我食晚餐，佢話各有特色，因為午市就好似Cafe咁，casual啲，而晚市就好似Bar & Restaurant咁，氣氛浪漫啲。 📍Nisugu (雙子匯1期) 啟德協調道12號雙子匯1期崇光啟德店食匯堂14樓1402號舖
