今次做一個辣味雞翼,佢原於一間pizza 店嘅雞翼,由於實在太好味,所以都想還原一下個味道。流程其實好簡單,就係醃完雞翼就拎去焗就得啦,所以零基礎都做得到。 醃料分為顏色同味道去解拆。 呢種雞翼會有甜味嘅,而來源就係糖啦,跟住就落鹽去滿足個咸味,跟住呢兩種調味料必須要搵到先至可以還原到個味嘅。第一個就係蒜粉,第二個呢就係呢一種卡宴辣椒粉呢一種辣椒粉同一般辣椒粉嘅風味會唔同嘅,所以一定要搵到佢,之後補多少少黑椒粉就可以啦。而佢紅色表面嘅來源就係用左甜椒粉 paprika. 咁你想成品紅少少就落多少少啦。 最後就係落油去封一封個味道。同埋咁樣焗嘅時候就冇咁易流失肉汁啦。 雞翼最少醃一個鐘,最好當然係醃過夜啦。 好啦,焗爐預熱180度,而雞翼醃左一晚就拎出嚟排響舖咗牛油紙嘅焗盤上面,你睇佢係幾靚嘅紅色。舖好左就放入焗爐焗大約20分鐘,因應你雞翼嘅大細同唔同焗爐嘅溫度會有少少調節。 20分鐘過後就由焗爐拎出黎先。最後就做多一個好重要嘅步驟,睇到個雞翼表面係冇咩油光嘅,而盤上面就會留低糖同油響雞翼嘅底部。咁我地反一反隻雞翼抺一抺佢,會睇到雞翼表面會多左一浸油光,就好似化咗個妝咁,當堂靚仔曬。化好個妝就可以上碟啦,好好味嘅辣味雞翼就完成左啦。大家都試下做啦。