先處理一下材料，半個洋蔥切開，紅蔥頭就簡單一開四，南薑切大約 5 片，咁佢呢就比較硬，要小心切。香茅打斜切等佢易尐出味。肉類會用到雞胸肉，切成一口大小，做湯用雞胸味道就會好少少，只係要睇住個時間，煮過頭就會老，又或者你用雞脾肉都可以。8粒車厘茄開邊，少少辣椒絲，唔想辣就去左籽先切啦，蔥就切蔥花，莞茜就簡單切一下最後放嘅。咁材料就準備好啦。 先放入雞高湯，然後就將洋蔥，紅蔥頭，香茅放入去。檸檬葉呢就將中間硬果個位撕出黎，然後用手撕開，手撕比切更能帶出個味道， 之後就倒入椰漿，加入埋車厘茄同秀珍菇，常然可以選擇加入唔同嘅菇。 跟住就加入調味，放入2湯匙魚露就係個咸味同鮮味來源，加入2茶匙椰糖，冇就用蔗糖代替啦，更住加入埋雞胸肉，只要雞胸肉熟就完成啦。 熄火之後就將青檸汁加入去，再放入蔥花同莞茜及辣椒就完成啦。
