材料 打拋葉 30G 肉碎 300g 蒜頭 2 tbsp 辣椒 1pc 大辣椒 1pc 洋蔥 50g 泰式醬油 1tbsp 魚露 1tbsp 蠔油 1TBSP 老抽 1/2tbsp 糖 ( 椰糖）1/2tsp 白胡椒 1/2tsp 米酒1tbsp 好多時候我地食泰國野都會點呢個打拋豬肉，用佢黎撈飯真係非常之正。 打拋豬肉材料當然會有肉碎啦，今次份量會用到300g, 洋蔥半個，蒜頭4瓣，辣椒一條，食得辣就自己增加份量。另外就係咪隻嘅甜椒，佢係唔辣嘅。 成個菜式既靈魂就係打拋葉，打拋葉英文係holy basil, 雖然佢個名都有羅勒，而佢有種獨特既香氣，同比較常見既九層塔或者甜羅勒香氣有一定程度嘅差距。打拋葉正常可以響印尼或泰國食材鋪搵到嘅。 因為呢個葉式嘅主角係打拋葉，所以肉方面可以換做雞肉或者牛肉都可以嘅。 咁我地先處理一下食材，蒜頭切碎佢，洋蔥切丁，辣椒就睇下你想幾辣啦，唔想太辣就切開佢去左尐籽再切碎。可以辣就就咁切，又或者切多幾隻。大隻既甜椒我地都切少少嚟豐富個顏色同疊加多層味道。 我地將葉拎出嚟放到水入面。 材料大致就準備好啦。 中火落油放入蒜頭，等佢慢慢煸出香氣，如果你想出到嚟辣少少嘅就將辣椒同蒜頭同一時間落，唔同食材同調味響唔同時問落出嚟香氣同效果都可以好唔同嘅。之後就放入肉碎啦，之前提過其實係可以放雞或者牛都可以嘅。炒一陣肉碎轉色就放入洋蔥同辣椒同甜椒，之後就落1大匙蠔油、1大匙醬油、1大匙魚露，東南亞菜式好多時都會放魚露嘅，佢就咁聞會比較腥，而加熱之後就唔會腥㗎啦。再落半匙老抽去加深個顏色，再落少少糖去和一和個味。呢度可以選擇放椰糖嘅。 呢度呢就試一試味，都可以嘅時候就放入白胡椒同米酒，最後放入打拋葉入去，等打拋葉嘅香氣悉出就可以上碟啦。 滿滿泰式風味嘅打拋豬肉就做好啦，大家可以因應接受得到嘅辣度去調節。
