材料 雞翼 12隻 冬菇 5隻 蔥 少許 製作方法 有時晚餐唔知做咩好嘅時候，可以諗下做一個蠔油燜雞翼，佢只需要幾種材料。而且做法同調味都好簡單，十零分鐘就做好啦。重點係相當好味。 材料就只需要幾樣野，12隻雞翼先解凍同洗乾淨，冬菇 5隻，如果用乾冬菇就花少少時間浸，記住唔好倒左果尐水，一間倒埋落去就得啦，我今次就用左新鮮冬菇，同埋幾條蔥咁。 冬菇去左個掟，然後切條。蔥呢就切成蔥段備用。雞翼就用廚房紙印乾佢。 咁呢材料就預備好啦。 鑊入面落少少油，然後放雞翼入去，記住皮向下，用中火煎大約 3 分鐘。 見到雞翼上左色呢就反轉佢煎 2 分鐘。等兩邊都上左色就夾佢上黎先。 之後放冬菇入去炒一炒，等冬菇既味道慢慢息出，約分零二分鐘就到番雞翼入去炒。跟住加少少水，如果你係用乾冬菇嘅話，呢個時候就倒浸菇水入去， 呢個時候就調味啦，用一湯匙生油，再加一湯匙蠔油，然後撈勻佢。 為左令到個雞翼更加入味，我地將所有野倒入個細煲度再撈一撈佢，見到水滾起呢就冚蓋熄火燜大約 5 分鐘等佢慢慢吸味。五分鐘後開蓋，再張蔥段放入去，撈幾下就可以上碟啦。 呢個蠔油爛雞翼做法簡單，而且亦都好啱送飯，大家都可以試下做啦。
