薑燒豬肉係一個好基本而且製作簡單嘅菜式。 做法好簡單，只需要醬油，味醂，清酒，再加埋薑同豬肉就搞掂啦。 韓式料理都會有類似呢道菜，而佢會加入蒜頭啦，麻油又或者韓式辣醬。 而日式就只需要將薑蓉加埋醬油，味醂，清酒放入去 先處理椰菜，椰菜就切一部份出嚟切絲啦。因為想要尐椰菜有脆口既感覺，我地可以將佢放入去冰水入面。一陣就會比較爽脆一尐啦。 跟住就做左個薑蓉先，我地可以用隻不銹鋼匙咁樣刮就可以簡單去左薑皮，之後就磨薑蓉出嚟啦，我地呢就打圈圈咁磨，好似磨WASABI咁就最方便啦，份量大約半湯匙，如果想薑味重少少就可以放多少少入去 薑燒豬肉響一尐日式定食餐廳都好常見，而響屋企製作都非常之容易 我地做左個醃料先，再放豬肉片入去醃 加入2湯匙醬油，2湯匙味醂，2湯匙清酒，基本上就係 1:1:1就得啦。 跟住處理一下肉片，你會見到會有好多水既，咁我地就搾一榨佢，等佢出水先，用黎醃嘅肉水份少的話就更加快入到味。 我地將肉片放入醃料入面，𢲡一𢲡勻佢先。跟住呢就補少少鹽啦，大約半茶匙，再放大約半匙糖。再𢲡一𢲡，你會見到醬汁好快就吸收曬入去啦。咁放響度 10-15 分鐘啦。 其間我地準備一下洋蔥，其實你可以放唔同嘅蔬菜都得嘅，因為今次嘅主味係來自豬肉上面嘅，而今次我就用洋蔥。 今次我想個洋蔥我想個洋蔥脆口少少，所以呢就順紋切。如果有時尐菜式想洋蔥味出尐嘅就可以逆紋切啦。咁我地就準備好曬尐野啦。 鑊入面先落尐油，我地想洋蔥既甜味出黎，所以就凍鑊放入洋蔥，洋蔥開始就熱既時候會開始焦化，咁佢嘅甜度就會釋放出嚟。 炒豬肉要多少少時間嘅，所以響洋蔥有少少上色就可以放豬肉入去啦。 你見到尐豬肉會出番少少汁出黎，咁我地𢲡幾下等佢吸番入去就放豬肉入個鑊度啦。 你可以用五花肉呀，梅頭呀都可以嘅，你睇下佢嘅水份同油都走出黎啦。咁我地只需要炒一下等肉熟就可以熄火啦。 椰菜隔一隔水然後就放上隻碟度，跟住放埋豬肉入去，再灑少少白芝麻上去就再高級少少啦。 好多時定食屋入面，配埋個味噌湯同白飯就係一個薑燒豬肉定食啦。
