最近身邊好多朋友都感冒，所以今次決定拍條片同大家分享一個蔥雞湯既做法。 蔥呢樣野擁有蒜素同埋硫化物，除左可以抗菌殺菌，幫助化痰同緩解喉嚨痛。而且可以增強個人既免疫力。蔥亦含有維他命B2、維他命C、菸鹼酸、鈣、磷、錳、硒、β-胡蘿蔔素等營養素，維他命B2和菸鹼酸都屬於B雜，是維持腦、神經以及皮膚不可或缺的營養素，特別是維他命B2促進生長，而菸鹼酸能夠維持皮膚和黏膜的健康，對於預防感冒十分具有幫助 所以今次我哋用大量既蔥，首先要將蔥洗乾淨，因為我地既做法唔會煮尐蔥，而係用滾湯去沖佢。用少少時間將蔥切蔥花，然後呢就放入個碗入面。 雞扒解左凍就處理下碎骨之類既，然後就將雞扒皮果面向下用中火煎。如果你係用易潔鑊可以唔落油，如果係生鐵鑊就落油等佢唔好粘底。呢個程序主要唔係要整熟塊雞扒，而係要將雞皮煎香等增加個湯既風味，另一個目的係將多餘既雞油煎出黎。令到就算冇咩胃口既病人都可以好好咁食下野。 你睇下而家塊雞皮煎到金黃色啦，咁就可以拎起身，用刀切成小塊，可以切個塊狀或者條狀啦。 切好左就倒左多餘既油，另一邊就煲一碗多少少既水。咁做可以加快我哋成個流程。 我地將雞扒放返入隻鑊入面炒幾下，然後就將滾水倒入去。然後進行簡單既調味，放入少少海鹽同白胡椒粉或黑胡椒粉。煮3兩分鐘等雞扒熟左就可以倒入去碗蔥入面啦。咁我地呢個蔥雞湯就完成左啦。 希望呢個蔥雞湯能夠幫到大家啦，希望大家都身體健康。
