今次同大家做一個越式香茅雞肉,主材料會用去骨雞扒2塊,雞朳用淡鹽水解凍然後用廚房紙抺乾,洗左尐碎骨同筋然後再切成小塊。 跟住準備一下醃料,先處理香茅先,搥一搥支香茅就可以更出味。將佢切碎。加一匙生抽,放入雞肉同一半香茅。用手抓大約 1 分鐘,然後放大約1個鐘。 醃野既時候就準備一下配料,兩個紅蔥頭切碎,2瓣蒜就切碎,1-2兩支辣椒切碎,唔想太辣就去左入面既籽佢再切。 所有材料都準備好好啦,落少少油,放入雞肉煎香佢,放入紅蔥頭、辣椒、蒜末及香茅拌炒,加入 2 大匙魚露同 1 匙糖炒至收汁。最後加上芫荽就完成啦。