食完一隻又一隻,絕對會令人食上癮嘅蒜辣雞翼尖. 好多時出去買一兜又真係好唔夠喉,所以不如自己煮啦。 材料 雞翼尖 1.5 磅 辣椒 正常 7-10隻 蒜頭 1整個 雞粉 4茶匙 糖 4茶匙 鹽 2茶匙 紹酒 200ml 水 適量 準備1.5磅雞翼尖用淡鹽水解凍 解凍好之後就放入煲度,放入室溫水加熱約5分鐘,切記用室溫水加熱才可以將血水和雜質迫出來切記用室溫水加熱才可以將血水和雜質迫出來。 煮雞翼尖的時候就準備一下配料。今次用到一個蒜頭同埋七至十隻辣椒,鍾意辣嘅可以加多尐,當然食唔到辣就減少尐啦。 辣椒沖一沖水切碎,用碟裝起佢。蒜頭去衣,然後切碎,再裝起佢。 撈起雞翼尖並放到凍水或冰水降溫,期間可以洗乾淨同去除一尐雞毛之類的。 煲內放入200ml 紹興酒加熱將酒精稍為揮發,加入雞翼尖炒香,再加入蒜頭及辣椒翻炒混合。加入水至蓋過雞翼尖,然後進行調味。 加入 4茶匙雞粉,4茶匙糖,2茶匙鹽混合,待水滾就可以蓋蓋轉小火煮25分鐘。再關火焗15分鐘便完成。 超美味的蒜辣雞翼尖就完成啦~真係食到停唔到口。