今次【教日本鄰居廣東話】系列短片一共有4集，主要用黎熟習Youtube Shorts，真係upload影片爽快好多。不過始終唔係有太多內容嘅片，雖然有訂閱人數嘅增加，但始終感覺可能性較低，都係鍾意upload5至7分鐘嘅片。不過shorts用途係增加爆光率，最好一啲長一啲短就perfect了吧。 最近同個youtube前輩傾計，佢已經差唔多7萬人登錄，話最初佢都係幾個幾個咁增加，要我撐落去，唔好放棄。講真，有時見自己啲片花心機剪好，但最後冇人睇，都幾心酸。 講番今次【教日本鄰居廣東話】影片，其實我搬黎新屋嘅時候小Ni咁啱出黎dum垃圾，咁就認識左，之後間唔中會去食飯打snooker。都算好彩，一搬入黎就識到朋友，希望之後可以訪問到佢喺日本生活嘅感受啦。
