之前因為工作上面嘅轉變,所以比較忙碌,而家漸漸穩定落嚟,終於可以同大家繼續share返食過嘅好西! 話說2023年都去過幾次旅行,食咗好多好嘢,當然仲要同大家報告下。今次同大家報告嘅係位於泰國最近好出名嘅一間buffet,呢間buffet泰國當地人,連遊客都會去食!而且要預先預約,成日都好容易爆滿。 佢嘅價錢分兩種,一款係連主菜1999baht,另外一款係純buffet 1399baht,我試完之後建議大家可以叫純buffet就可以啦,而家就話俾大家聽點解! 呢間buffet裝修超級靚,每一個位都係可以打卡,而且仲有用粉紅色懷舊風做主調,女仔一定勁鍾意! buffet採用預約制,喺網上面先付款,到店後預約人要直接到收銀處登記,其他朋友仔就可以喺佢哋設置嘅戶外地方坐低等候,店舖仲會送上西瓜沙冰,招呼真係好好。 夠鐘大家就會一齊排隊入去餐廳,超級墟冚人山人海,但係因為buffet嘅空間都好大,所以唔會好擠擁。buffet出名嘅係即叫即制任食à la carte,每一款都好精緻擺盤好靚,連味道都同高級西餐一模一樣,而且款式仲有好多,只需要講餐點號碼就可以落order,所以根本唔需要加主菜,你都可以食到好飽好滿足。 另外佢哋亦都有啲buffet自取Corner,我推推介嘅就係佢哋嘅和牛船麵,佢哋嘅湯底超級香濃,每一片牛肉都好嫩滑,會令你想食完一碗接一碗! 佢哋嘅甜品亦都唔好睇小,超級多選擇,而且樣樣都好好食,我同我朋友最後攬住個肚走,真係超誇張! 如果大家嚟泰國曼谷玩嘅話,記得一定要預早預約試吓,包保你哋對於泰國餐點有全新嘅感受! 🇹🇭 Copper Beyond Buffet The Sense ปิ่นเกล้า ชั้น2 71/50 Borommaratchachonnani Rd, Arun Amarin, Bangkok Noi, Bangkok 10700 Bangkok 🇹🇭 #danacaneat #foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#hongkongfoodblogger #hongkongfoodlover#hongkongfoodie#instafood#hongkongrestaurant#hongkongeats#hongkongfoods#hongkongfoodbloggers#instafoodie #instafoodporn #instafoodgram #foodporn#吃貨#Eeeeeats##FoodPhotography #FoodGasm#ForkYeah #FoodInTheAir #Delish #EatingForTheInsta #CleanEating #Nom