原來銅鑼灣Vpoint開左食法日fusion菜！餐廳裝潢華麗又優雅，特大Led螢幕，配上全晚播住英文歌好有格調！座位係梳化相當舒適，遲D開放返現場表演的話，呢度一定係約會或生日嘅最佳地方！ 🐙香煎日式八爪魚配薯蓉 $268巨型嘅八爪魚腳切成粒粒, 肉質彈牙，非常軟身, 入口鮮味，配埋味道酸甜嘅薯蓉，好fresh ! 🍤日式腐皮蝦天婦羅 $88 ：用左日式腐皮做外皮，包住新鮮嘅大蝦，炸到金黃色，入口甘香酥脆！可加海鹽一齊食更惹味！ 🎣鰻魚豆腐博多 $128: 炸到無敵甘香嘅紫菜，包住豆付同鰻魚，外皮輕脆，內裡軟嫩！配埋清淡嘅醬油無得彈！ 🍖日本黑豚肉露筍卷：輕輕燒嘅黑豚肉油香滿溢！爽口彈牙！包住嘅露筍新鮮爽脆，好夾好好食！ 🐟燒白鱔：個人推介燒白鱔，唔好睇佢白雪雪！咬落去簡直驚喜！薄薄嘅外皮十分脆口，肉裡嘅魚肉非常嫩滑！輕輕調味就引出鱔嘅鮮味！正！ 🔥厚燒豆腐： 燒到外脆內軟嘅豆腐，配埋大量木魚絲，口感層次分明！ 🐥雞皮：去日本食串燒最愛嘅雞皮，呢度燒到好鬆脆！唔錯！ 🇪🇸12小時慢煮西班牙乳豬配法式熱情果醬 $468：主角烤乳豬出場超驚喜！外皮燒得焦香而且薄脆！大大隻豬髀肥瘦均勻肉味香濃,肉質軟嫩無比, 入口即溶！油脂香而不膩 ！配搭埋焦糖燒菠蘿一齊食，清甜可口解解膩 ！ 🥤飲品點了Tropical Sour同Alice in Hongkong Island, 兩杯都好味，唔會太甜仲幾fresh! Meta Stage十八夢 地址 📍: 銅鑼灣登龍街18號V Point 6樓
