餐廳地點喺MEGO box對面嘅國際交易中心，餐廳裝潢似傳式傳統壽司店，有sushi bar同師傅喺度切魚生，巨型落地玻璃坐得舒服又靚view! 限時90分鐘嘅放題,星期六日同公眾假期先有，想去一定要預早book 位，供應時間係12:00-14:00～ ！ 半自助餐 （成人：$238， 小童 $148） 喺八款主食入面任揀一款，呢期仲會每人附送一隻磯煮鮑魚！當然唔少得任食刺身，壽司、串燒、沙律等，相當豐富！ ～主食～ 一冷一熱！ 🍣 帆立貝海膽丼🍣 太驚喜了！放題竟然咁高質！加拿大海膽濃郁甘甜，厚切帆立貝新鮮甜美！魚生下面有紫菜碎伴飯食更香口！ 🍜泡菜豚肉鍋 滿滿嘅豚肉，肉質軟嫩肉味濃！泡菜湯頭特香，配菜包括粉絲、豆腐、蔬菜等，食完魚生飲啖湯超正！ 任食刺身：三文魚、鯛魚、 油甘魚同甜蝦 三文魚超新鮮！油脂平均肉質彈牙, 鯛魚夠肥美油脂味香甜！油甘魚有彈性，甜蝦爽口新甜，樣樣都高質又好味！ 磯煮鮑魚 免費嘅磯煮鮑魚又淋又入味！仲要幾大隻！推介！
