久仰大名喺灣仔嘅西班牙🇪🇸 餐廳!Menu主打西班牙小菜,多款tapas、招牌烤乳豬、西班牙海鮮飯等! Scallop Tartare 帶子他他 $178 擺盤好精美嘅帶子他他,啖啖帶子粒爽口彈牙,醬汁香口不失帶子鮮味!加上魚子咸咸地更惹味, 配埋又薄又脆嘅紫菜一齊食,芝麻香加薄脆口感豐富!推介! 🍖 Cochinillo 烤乳豬🍖$338 主角烤乳豬出場超驚喜!外皮燒得焦香而且薄脆!大大隻豬髀肥瘦均勻肉味香濃,肉質軟嫩無比, 入口即溶!油脂香而不膩 !配搭埋燒菠蘿一齊食,清甜可口!超好味! 🥗Sueno Duck Salad 招牌鴨肉沙律🥗 $158 鴨肉配上黑醋汁酸甜適中,開胃可口!加埋沙律菜同蜜瓜一齊食好fresh! 🍞Bikini Toast西班牙多士🍞$98 最後一款tapas 我地揀多左多士,薄薄嘅麵包夾住西班牙火腿、菠菜、松露醬同芝士!充滿松露香同芝士嘅香味!一客有4件份量啱啱好,外脆肉軟香口又唔會太膩! Sueno 地址: 灣仔皇后大道東137號地舖