餐廳位置喺尖沙咀九龍酒店附近嘅環球商業大廈商業大廈,樓上舖總有探店嘅感覺!既期待又興奮!餐廳裝潢係優雅與玩樂嘅結合!一邊廂坐住鳥籠設計嘅座椅傾計食飯,另一邊廂係open bar有cocktail 飲又得玩飛鏢! 好特別喔!座位濶落舒適,店員有禮推介,二人同行惠顧主食,即送麻辣小龍蝦(原價$188) 🦞一份,正👍 🌶️🐚Shake Shake馬來西亞特色辣汁海鮮搖盤🦐 自選5款海鮮 ($558) 自選海鮮我揀左: 活鮑魚、游水海蝦、活大蜆、活青口同大元貝,配料仲有粟米、腸仔等。上枱後我地梗係要shake下個海鮮搖盤等辣汁均勻D!嘩,好重手好足料!先講個自家製馬來西亞特色辣汁,醬汁帶點蒜香,濃郁而唔油膩,辣度剛剛好夠哂刺激味蕾!配埋活海鮮食真係~超~級~夾! 大大隻活鮑魚軟嫩彈牙,太驚喜!大元貝肥美啖啖肉,被豐富嘅醬汁包住太好味!活青口比平時食嘅新鮮爽口!活大蜆漲卜卜煮得剛剛好完全唔硬同冇沙,海蝦仲保留倒鮮味,5種活海鮮真係冇得彈!就連配料粟米、腸仔都超惹味!推介 👍👍👍👍👍 🌶️麻辣小龍蝦🦞 上枱已經聞倒好香麻辣味!小心翼翼咁拆肉食,麻度同辣度恰到好處!肉質鮮甜爽口!唔好以為送嘅份量會好少,拆起肉黎好多隻,份量啱啱好! 🍶白酒蜆肉彩椒配意粉🍝$108 白酒煮蜆粒粒漲卜卜清甜爽口,意粉軟硬適中!白酒汁香濃,配菜有好多彩椒,清新又惹味!