🍶 收工同老公去中環 Sake Hub 輕鬆 chill～ 呢間係中環一間專注清酒嘅小酒館，環境舒服又有日本小酒館 feel，最正係有好多杯裝選擇，唔使一次開支酒都可以慢慢試不同風格～ 今次主要試咗滋賀「松の司」系列三支： - 左：竜王山田錦 純米大吟醸（藍標） – 清新優雅，白桃、梨同蜜瓜香突出，酒體輕盈乾淨，酸度柔和，好易入口 - 中：純米大吟醸（黑標） – 層次最豐富，熟果同米旨味明顯，結構感強，餘韻悠長 - 右：純米吟醸（白標） – 最易飲，青蘋果同梨香，清爽微甜，適合新手 另外仲試咗義俠純米生原酒 – 米香柔和，入口濃郁但唔重，尾段帶少少微辛，配餐好正！ 食物就叫咗幾串雞肉串燒（沙爹、日式、冬蔭味）同 secret menu 日式煮蜆，串燒鮮嫩，煮蜆鮮甜，送清酒一流～ 整體氣氛輕鬆，適合收工放空或者小酌，鍾意清酒嘅朋友強烈推介！ 📍 Sake Hub 中環 Lyndhurst Terrace 你哋平時鍾意飲清酒定啤酒多啲？留言share啦～🍶 Follow us 📌 YouTube: 思思賢Chill My Babe @chillmybabe 📌 旅行IG: @chillmybabe.travel 📌 美食IG: @chillmybabe.foodie 📌 美妝IG: @chillmybabe.beauty 📌 Chelsea IG: @chelseapun 📌 細眼IG: @nico_eyes #SakeHub #中環清酒 #松の司 #清酒試飲 #香港清酒吧 #思思賢
