🍣冬季海膽盛宴！尖沙咀高CP Omakase - 花晨月夕 Kuno 🌅 之前同朋友去尖沙咀花晨月夕 Kuno 食午市omakase，超滿足！隱世高質日料，環境靜靚，性價比勁高～ 環境寧靜簡約日式，坐得超舒服，師傅喺你面前慢慢製作，又會分享每道菜既特色，氣氛好chill。 今次叫左Omakase Dusk ($588)： 日式沙律開胃＋茶碗蒸好滑好香～ 刺身四品： 1️⃣ 依左目魚＋甜蝦：魚肉爽口彈牙，甜蝦鮮甜，再加紫蘇花，瞬間開胃到飛起！😍 2️⃣ 三文魚籽海膽杯：北海道根室產馬糞海膽，creamy濃滑、鮮甜彈牙，肉質肥美如奶油爆漿，加上自家漬三文魚籽，咬落一啖幸福感爆棚💥今日MVP！ 3️⃣ 火炙鰤魚：咬落煙燻味同魚油香一齊爆出，肉質厚實超滿足！ 4️⃣ 松葉蟹肉海膽紫菜卷：蟹肉鮮甜，海膽再加持，卷得精緻又好食！ 六貫壽司一樣無辜負： 1️⃣ 真鯛：魚肉幾爽口，味道都幾清甜。🌊 2️⃣ 火炙銀鱈魚：入口嗰下幾正！🔥 火炙完香好多，加埋黑松露醬，味道升咗個 level！ 3️⃣ 帆立貝：厚身又幾鮮甜。🐚 4️⃣ 火炙金線鯛： 魚肉入口即化，唔錯唔錯！✨ 5️⃣ 大拖羅：油脂分佈幾均勻，入口即溶，勁滿足😭 6️⃣ 北海道海膽：滿滿既海膽，搭淡雪鹽，甘甜creamy，回味無窮💙！ 🍜 腐皮烏冬： 腐皮索晒湯汁，烏冬彈牙，暖笠笠，幾舒服。😌 🍨 開心果雪糕： 清新又帶有堅果香，perfect ending！🍦 Overall, 食材新鮮，擺盤精緻，環境清靜，師傅nice講解，Lunch Omakase已經食到咁高質，抵食！ 花晨月夕 Kuno 📍尖沙咀赫德道2號金麟商業中心2樓 Follow us 📌 YouTube: 思思賢Chill My Babe @chillmybabe 📌 旅行IG: @chillmybabe.travel 📌 美食IG: @chillmybabe.foodie 📌 美妝IG: @chillmybabe.beauty 📌 Chelsea IG: @chelseapun 📌 細眼IG: @nico_eyes #思思賢 #chillmybabe #花晨月夕Kuno #KunoOmakase #尖沙咀美食 #香港美食 #午市Omakase #性價比之王 #海膽控天堂 #大拖羅 #北海道海膽 #日式料理 #香港食評 #香港探店 #sushi #hksushi #hkeats #foodie #hkfoodie #omakasehk #tsimshatsui
