就嚟又到新年🧧，如果budget冇咁多飛去外地旅行✈️，近近哋去澳門兩日一夜短trip都唔錯㗎！🇲🇴 今次就同大家介紹返W Macau，我同師兄都覺得幾正！😎 澳門Staycation推介：W Macau型格體驗 Check-in & 房間： Check-in過程好快，十分鐘搞掂！我哋住3109號房，一出𨋢就到，勁方便！不過個𨋢指示牌有啲保護色，要留意吓。房入面有個位可以放鞋同雜物，衣櫃都幾大，不過設計好似for高佬用，我哋要fing高隻手先拎到衫。浴袍好舒服，滑捋捋咁，入面係毛毛哋，今晚可以着住佢嘆世界！仲有燙斗，啱晒要出trip嘅人。不過，衣櫃啲路軌唔係好順，新酒店嚟講有啲扣分。 個全身鏡勁靚！除咗照全身之外，仲可以打燈！化妝一流！因為如果喺太暗嘅環境化妝，個妝容好易太誇張或者唔準，呢個鏡真係深得我心！ 景觀 & 房間設施： 我哋book咗最平嘅Wonderful King Room，城市景。不過我喺Agoda book房嗰陣有備註想要高層同靚景，結果佢哋俾咗個巴黎鐵塔景我哋！真係超級靚！上次住巴黎人冇景睇，今次終於可以補償返！除咗巴黎鐵塔，仲睇到上葡京同少少倫敦人，不過就睇唔到大笨鐘。唯一要彈嘅係，窗戶外面有啲污糟，近睇真係好明顯，如果酒店可以清潔密啲就好啦！ King Size床好舒服，軟硬適中。有四個枕頭，前面兩個都係軟枕，冇硬嗰啲，唔知有冇得換。床前面有梳化同coffee table，正呀！屋企都想要一套！可以攤喺度睇戲飲酒，爽！（新年梗係飲返啲金幣啦！） 浴室： 浴室有浴缸、廁所同企缸。設計係型格風，黑色配橙色，師兄勁鍾意！個浴缸雖然睇落短身，但對亞洲女士嚟講啱啱好，而且夠闊，仲有個位可以扶手，好貼心！可以浸住浴缸煲劇飲酒真係人生一大樂事！企缸有花灑，師兄表示好鍾意坐喺度沖涼。洗頭水、護髮素、沐浴露齊晒。廁所就冇乜特別，唔係日本嗰啲智能廁板。洗手盤都係黑配橙，不過上面盞燈有啲似死神燈，化妝會有陰影，要用返側邊塊鏡或者出面個全身鏡會好啲。洗手盤下面有齊牙刷、漱口水、日用品等等，仲有個橙色盒裝住Dyson風筒！之前想買但最後買咗GHD，今次可以試吓Dyson係咪真係咁好用！ 其他： 電視係Sony嘅，可以Airplay同Chromecast，好方便！Mini bar啲嘢全部要收費，有啲零食、飲品，不過我覺得落街Donki買仲抵。好在有酒杯，紅酒杯、香檳杯、long drink杯、rock杯都有齊，仲幾乾淨。有咖啡機同TWG茶包，正！最估唔到係竟然有調酒器！不過有啲淺，搖嗰陣要小心啲。仲有個冰桶，好重手！另外，酒店有埋cocktail杯，可以自己買嘢返嚟調酒，或者直接飲雪櫃入面嗰兩罐預先調好嘅cocktail（不過要收費）。 床前面梳化下面有插蘇位，兩邊都有，仲有USB插頭，床頭都有USB插頭，好夠用！啲燈就冇乜特別，都係普通嘅特色燈。 總結： 整體嚟講，W Macau算係幾新淨嘅酒店，嘢都幾新，不過冇乜特別新奇嘅嘢玩。但係個景觀真係好正！想搵間靚酒店Staycation，W Macau都係一個唔錯嘅選擇！ #macaustaycation #macauhotel #macautrip #macautravel #exploremacau #discovermacau #澳門酒店 #澳門住宿 #澳門之旅 #澳門好去處 #澳門打卡 #週末遊澳門 #wmacau #whotels #whotelsworldwide #whotelmacau #stayatw #staycation #hotelreview #luxuryhotel #boutiquehotel #hotellife #travelgram #instatravel #travelphotography #travelblogger #cityview #eiffeltowerview #bathtubgoals #dysondryer #cocktailhour #roomtour #新年好去處 #新年旅行 #lunarnewyeartrip #cnygetaway
