等咗咁去唔到旅行，就可以黎下港版南怡島(남이섬)，一樣都係有林蔭大道同特別嘅帳篷。 大家可以去我IG@ccgetaway.hk， 我post咗一啲對比圖。 📍元朗站首先係最近南生圍嘅元朗站出發。係地鐵站附近租咗單車之後，就沿住單車徑行啦。 📍南生圍經過咗博愛醫院之後，就會有路口入南生圍導賞徑。導賞徑係沿住河流行，一路都會有指示牌。流經南生圍的錦田河新河道係一九九七年建成。為補償受工程影響嘅濕地，新河道和山貝河河岸皆種有紅樹和類紅樹，品種包括秋茄樹（Kandelia obovata）、桐花樹（Aegiceras corniculatum）同老鼠簕（Acanthus ilicifolius）。紅樹林不但止有助孕育生態，更能夠加固河岸。 後段需要係馬路行，所以要比較小心咁靠邊行。進入咗馬路路段之後，行到一半會有一個流動廁所，會係全程唯一一個廁所。 📍土人村係馬路會左邊會有小路落林蔭大道。林蔭大道兩旁佈滿咗高大嘅桉樹。向前行一陣就會見到土人村。土人村係由一班有心人搭建而成嘅，有用枯枝堆搭而成的帳幕，仲有一個煮食嘅地方。大家去嘅時候要小心啲，好好保護好呢到，唔好白費佢哋嘅心機。 📍 婚紗橋離開土人村後繼續行，左邊就係另一個打卡點—婚紗橋。呢條橋雖然睇落去簡陋，不過打卡就一流。魚塘嘅倒影，一望無際嘅蘆葦草，真係香港好特別嘅一面。 📍橫水道呢個係全港唯一嘅手動橫水渡，連接南生圍同山貝村。雖然兩岸距離非常接近，但係無理由拎住單車涉水過到對面岸，所以都係要搭橫水渡。橫水渡收費每位$7，大小同價，如果好似我哋咁帶埋單車上船，每架單車就收多$1。過咗岸之後就，穿過山貝村就可以出翻元朗市中心架啦！ YouTube Channel: CC Getaway https://www.youtube.com/c/ccgetawayInstagram: @ccgetaway.hk https://www.instagram.com/ccgetaway.hk/
