今次去大阪其中一個目的就係要去USJ! 當日一早起身去木津市場嘅「魚市食堂」食碗海鮮丼就出發喇！ 門票🎫 我預先上官網買1日門票(JPY8,900)，成功付款後電子門票會發送到你個電郵信箱。到達影城嗰日去閘口掃二維碼就可以入場㗎喇。不過當日我都係要去櫃位排隊，因為我喺網上買唔到快速通行票(Express pass)。埋到櫃位後職員解釋我想買嘅隻express pass 已經sold out 😨後來經佢介紹吓買咗另一款pass (JPY7,800) - 可以玩四個指定遊戲。其實我冇乜所謂，只要有得玩Mario Kart同埋有保證券入Super Nintendo World 就可以😬 超級任天堂世界🍄 如果想入Super Nintendo World(SNW)嘅話我建議買Express Pass，門票上有指定時間俾你入場同埋玩Mario Kart。我覺得自己幾好彩10:20am就可以入去，10:40am-11:10am呢段時間可以玩Mario Kart。難得入到去Super Nintendo World當然要玩埋Yoshi’s Adventure啦！呢個遊戲我個Express Pass唔包嘅，我排隊排咗差唔多45分鐘先有得玩。原本我想去餐廳 (Kinopio’s Cafe)食嘢㗎，點知條人龍長到呢….我放棄咗喇。其餘時間就係影相同埋購物，唔經唔覺我喺裡面玩咗大約3個鐘先離開😬😬記住呀，離開咗Super Nintendo World 之後冇得再返入去😆要玩番夠本先好走。 交通🚇 我由大阪地下鐵大國町站 (因為近木津市場) 搭去天王寺站再轉JR (大阪環状線 + ゆめ咲線)到環球城站 (ユニバーサルシティ駅)落車。全程連埋轉車時間大約30分鐘，車費JPY380。 ⭐️USJ每日營業時間可能會唔同，最好check吓官網先好去啦
