老公仔生日正日，當然要好好慶祝♥️😍 我同佢都好鍾意食生猛又新鮮嘅海鮮 今次嚟到九龍灣淘大商場嘅千海水產 任飲任食2小時火鍋放題🦀🐟🦐🦪 我之前我試過北上食海鮮放題共兩間 (輪價格差唔多，仲未車錢、車程時間)，海鮮都洗得乾淨啲，特別係湯底、熟食、甜品口味都係香港好食好多，加上係即叫即整，我鍾意熱食，而唔係擺曬食物出嚟。 . 平日中午一點鐘去到餐廳都唔使排隊，人少D 即撈海鮮方面有草蝦、大頭蝦、基圍蝦 花螺、蟶子、鮑魚、3款蜆、藍花蟹 平時街市買一斤新鮮蝦都要70幾文 今次我會主力食唔同海鮮 🎬睇下影片，仔仔亦撈得好開心又滿足 . 特別推介食籃花蟹，肉質鮮甜(唔使落豉油)，又啖啖肉! 我前前後後都食咗好幾隻，鮑魚即使煮過籠都係好彈牙唔鞋，蜆要揀大美國蜆較鮮甜! 而我仔最鍾意食非常生猛愛彈跳嘅基圍蝦，又容易剝殼。 . 火鍋湯底方面我哋揀左蕃茄湯，我覺得佢個湯底比上一次食更加濃同足料，即使加左湯都唔會淡，熟食方面必吃川味燒鮮蠔，大大件蠔肉配上惹味嘅川味蒜蓉醬料，經過燒烤後份外好吃又多汁! (每人最少食半打🙊)，另外鐵板鵝肝多士，比我想像中更厚切，好肥美! . 火鍋肉類方面有澳洲M5和牛、美國牛肩胛片、澳洲羊肉片、美國豬梅肉片，肉類新鮮反選擇算多! 我欣賞每次幾片肉上(非一大碟)，唔會怕食太飽，可留肚繼續食海鮮🙊! . 甜品方面: 必吃過出自取的焗榴槤肉及超高水準嘅海燕窩椰汁燉木瓜，好養顏又鮮甜! 而小朋友最愛當然係haagen dazs(我好鍾意食冧酒提子)及外出自取的迷你彩色macaron及好少見嘅荔枝蝦丸，佢冷盤都唔錯例如雞翼尖及螺肉。 . 呢2小時海鮮火鍋放題，我同家人食得好開心了，連我偏食又食得少嘅仔仔都食多了，我哋仲食曬成台野冇浪費，而我飽到晚飯都唔食。 而生日嘅老公就話好滿足🎂，大讚海鮮好正😋! 仲一次過飲到冷熱清酒同埋啤酒。 . 千海水產海鮮火鍋放題 香港淘大商場3期2樓S154, S162及S155-S158號舖 (另有荃灣店及即將開張的旺角店) $ 影片尾部有價目表 . #千海水產 #生日快樂 #即撈海鮮 #海鮮 #鮑魚 #基圍蝦 #蟹 #甜品 #雪糕 #火鍋 #放題 #任飲任食 #香港美食 #香港必食 #香港探店 #香港打卡 #香港旅游 #香港必喝 #香港放題探店 #香港放題店 #香港好去处 #香港推荐食品 #九龍灣 #九龍灣美食 #留港消費 #hkig #likeforlike
