今年生日帶埋對仔女同老公去迪士尼奇妙之旅，Staycation+樂園，玩咗2日1夜！🥰 第一日主要喺酒店入面玩，住其中一間酒店都可以玩埋另外一間嘅設施，真係齋玩免費設施都玩唔晒！唔同嘅康樂活動、泳池(我哋今次無去)、室內遊戲室、室外草地迷宮、遊樂場、兒童遊戲室、房內迪士尼電影/米奇卡通放題！ 講真，住一日真係唔多夠😎 房間方面，我哋book咗生日plan嘅標準客房，酒店亦安排到唔同嘅BB用品借用：BB床連床圍、床欄、浴盆，記得喺訂房時喺備註欄列出想借用咩用品。 另外，生日當然要儀式感，我哋訂生日plan係要出示生日證明，不過普通訂房喺備註表示慶祝生日都會安排到小驚喜：生日小蛋糕、生日襟章、生日卡、生日毛巾蛋糕🎂 由於我哋訂房時有加購房間佈置，最後間房可以話儀式感x200%🤪 食方面，考慮到我哋有2個好動小朋友😂，今次得自己帶就唔落去食喇，生日plan包咗嘅晚餐都可以揀room service，可以指定送餐時間之餘，亦無限定用餐時間。職員送餐時會連成張「餐枱」搬入你間房，到食完先打電話去front desk安排職員嚟收返👍🏻 總結首戰迪士尼Staycation，酒店設施超足夠，滿足晒小朋友玩樂需要🎪 計落只係玩咗半日，第一晚已經腳痛😵💫 下次嚟小朋友大個啲就更好玩喇😈
