最近好多model ，blogger 狂推M.A.C新出既cushion!主打持久透薄, 遮瑕度高。 全部都係我對底妝既追求! 俾人燒左咁耐，我都終於買咗嚟試！連續用左兩個星期到總算試真佢啦！ 一打開係幾驚喜既！佢嘅容量比一般氣墊粉餅都多！裡面舊海綿浸左好多粉底液。個粉撲就無咩特別，上妝嗰面係肉色，比一般嘅藍色粉撲感覺更易污糟，不過都唔算係缺點。 點擊圖片放大 去counter嗰陣 PA姐姐同我講話唔使用碎粉定妝，直接上完已經有霧面效果。不過我覺得佢唔算好霧面，用完之後會有種韓系底妝嘅光澤感，唔係話反哂光嗰種，而係幾自然既光澤感，妝感都幾靚，唔會好厚粉同有面具感。上完之後摸下都唔會覺得痴笠笠，而且毛孔都遮到八九成！我自己會另外再上多層碎粉定妝！ 持久度方面，上妝之後都keep到大約3個鐘唔出油(根據香港最近落雨翳焗同爆曬既天氣)，不過如果要hold成日,T 字位難免都會有d溶妝，法令紋位置都會有浮粉嘅情況出現，我係混油皮，所以持久度方面我覺得已經算唔錯。好彩佢唔會溶到一噠噠，用紙巾同粉餅印一印都仲見得下人雖然佢無想象中咁持久，不過我仍然幾鐘意呢盒cushion，加埋佢防囇夠強，有SPF 50/PA ++++，夏天用真係啱啱好！！ 綜合: 遮瑕 ⭐️⭐️⭐️⭐️⭐️ 透薄⭐️⭐️⭐️⭐️ 持久度⭐️⭐️⭐️(3星半) ig: chapter.beauty (購物，美妝，護膚分享)
