鋒鋒自K2開始，每年都會到眼科中心做一次全面嘅視力檢查。由第一年嘅小小遠視，到第二年小朋友仲係零近視，但視光師已經告知下一年小朋友好大機會有近視。升上小學後，亦都係小朋友眼睛發育嘅黃金時間，呢個時候鋒鋒開始有近視，鋒媽都有心理準備佢會繼續深落去。 誰不知遇上了疫情，無奈上堂Zoom足一年，亦是小朋友近視快速加深嘅導火線。呢一年小朋友近視加深了一倍，由150度加深到300度。呢個數字嚇左我一大跳，如果近視上到600度，好容易伯出現大大小小嘅眼疾。小朋友眼睛發育一般到15歲後先會開始穩定，所以嚟緊呢七年時間就喺控制小朋友近視嘅關鍵。 一開始，朋友話如果想控制近視可以考慮戴OK鏡，OK鏡喺一種角膜塑形技術，近視患者喺訓覺時配戴，日間便可以不需要配戴眼鏡。起初我都幾鍾意呢個方法，因為便鋒鋒做運動，又可以保持外觀，於是俾鋒鋒試戴OK鏡去控制近視，但原來對小朋友來說，戴con並不容易，每次見鋒鋒都要花差不多10幾分鐘時間先戴到OK鏡……加上經常掂隻眼好容易有衛生問題，而且小朋友瞓覺時又容易不自覺地摔眼，好容易刮傷角膜所以決定放棄呢個治療方法。 上網揾資料，原來呢個年代，有至少四種兒童控制近視嘅方法，包括低濃度阿托品眼藥水、離焦鏡片(DIMS)、角膜塑形隱形鏡(OK鏡) 及隱形眼鏡。睇到呢D，感覺到有希望，於是決定帶鋒鋒到眼科醫生再次檢查。 眼科醫生建議鋒鋒可試用低濃度阿托品眼藥水控制近視加深的情況，醫生話低濃度阿托品眼藥水嘅原理，主要係放鬆控制瞳孔嘅括約肌，不被長時間拉長而定形，中文大學已有研究報告證實能有效減慢近視加深速度近70%，而且使用方法好簡單，每晚臨瞓前雙眼各滴一滴，第二朝起身如常佩戴眼鏡便可。當然使用低濃度阿托品眼藥水唔係即刻見效，要長時期使用，同時要配合健康的用眼習慣例如減少使用電子產品，先可以控制小朋友近視加深情況。 由於鋒鋒第一次使用低濃度阿托品眼藥水，所以醫生建議一個月後覆診，跟進鋒鋒控制近視嘅進度，之後我都會分享鋒鋒用後嘅感受，如果你哋都想為你嘅小朋友揀合適嘅近視控制方法可以去呢度了解多啲！ https://www.childeyecares.com/https://www.facebook.com/childeyecares/歡迎聯絡合作、產品試用、出席活動：FB﹝小腳板走天涯の鋒媽與鋒鋒﹞ | ig﹝Viann Lifestytle﹞OpenRice | 大眾點評 | Google | UBlog | blogspot E-MAIL：monkeyan_dog@yahoo.com.hk
