之前行過見倒有舖頭做緊面膜特價，入左去睇，原來係萬秀雷敦面膜，我都係嗰陣先知萬秀雷敦有出面膜，記得嗰時係買二送一，於是就帶左三盒返屋企. 我買嘅產品係: 大米修護面膜(5片) -大米具修護滋養功效 -海藻糖成份能保持細胞活躍 -長效保濕鎖水功效，讓肌膚保持健康水潤 個面膜質地幾好，放上皮膚都好貼服，面膜表面有一點點，似乎係天然植物纖維，由於系列主打天然，敷上面都冇感受到任何刺痛不適. 曾經聽過美容顧問講，敷面膜嘅時間唔應該過長，因為過長時間，面部水份反而容易被面膜吸收，所以應該根據產品嘅說明時間，久鐘就要撕落黎喇. 敷完之後，我冇選擇過水，由得淨低嘅精華液慢慢吸收，面部整個皮膚狀態顯得飽滿，原本面珠位紅紅地，敷完之後就冇乜事，黑頭毛孔好似有啲收細左都幾滿意效果. 同一個系列有其他幾隻唔同產品，包括:緊緻.提亮.補水.舒緩.抗痘等唔同功效，有機會都想試下. 總結:呢款面膜主打天然，好岩我呢種容易受刺激嘅皮膚用，敷完又唔立，容易皮膚過敏嘅人都可以試下，不過效果因人而異. *每人體質膚質不同，以上內容純粹個人經驗，並非惡意攻擊品牌/用家. *http://www.mentholatum.com.hk/mobile/product_list.jsp?catid=777|841
