➤立即下載U Lifestyle App➤詳情懶人包韓國作為潮流集中地，每位去韓國旅行嘅潮女總係會忍唔住掃貨掃到空喼去，爆喼返！想用最實惠嘅價錢，入手最實用生活雜貨、美妝品、零食，一定要先逛韓國DAISO！今次《社群》就搜羅15種來自社群U Creator及網民推薦韓國大創DAISO必買高CP值好物清單，記得收藏低到時買手信就照住佢買啦！— — — — —【免費送您】IGGI 蒸氣掛燙+消毒護理套裝！注重家居衛生必備，社群為您送上LAURASTAR IGGI蒸氣掛燙+消毒護理套裝！獨家DMS微細乾蒸氣技術除咗可以快速熨衫除皺，輕鬆消毒化妝掃！即日起至2025年9月18日，只需簡單登記，就有機會免費帶走IGGI蒸氣掛燙+消毒套裝啦！ 立即參加贏免費蒸氣掛燙及消毒護理套裝 — — — — —韓國大創DAISO 15大實用好物推介｜必買護膚保健品清單必買護膚保健品清單｜1. VT積雪草微針精華提到韓國DAISO皇牌產品，呢個長期稱霸榜單第一嘅VT微針精華必定榜上有名，爆紅程度甚至風靡全日韓，各大貨架長期缺貨，一物難求！洗面後直接塗上VT微針精華，利用比毛孔更幼細嘅微針刺入角質層再滲入肌膚，再令膠原蛋白增生。DAISO隨身裝一盒有6支，只需₩3000(約HK$18)！點擊圖片放大 +3 >即睇 “Chinglaammmmm” 開箱DAISO皇牌VT微針精華 <必買護膚保健品清單｜2. DAILY COMMA 護手霜韓國小眾香氛品牌DAILY COMMA近年爆紅，推出嘅護手霜當然都收獲大量好評，連韓國人都買爆！DAISO就有50ml細細支只需₩2000(約HK$12)，方便攜帶做手信都非常適合。當中「綠色麝香無花果」為人氣款，保濕又滋潤，日常需要用hand cream滋潤嘅您一定要買啦！點擊圖片放大 必買護膚保健品清單｜3. SUNGBOON EDITOR綠蕃茄毛孔精華稱霸Olive Young TOP1嘅綠蕃茄精華喺韓國DAISO都有得買啦！提取綠番茄精華，有效收縮毛孔，提升肌膚緊緻度。韓國DAISO聯乘包裝為30ml，只需₩5000(約HK$30)！>想知綠蕃茄精華仲有咩功效， “為食營養師Germ” 同你講多啲<點擊圖片放大 必買護膚保健品清單｜4. RGIII紅參防脫系列5件套經常有脫髮煩惱嘅您有救了！韓國DAISO呢個熱銷爆款紅參防脫髮必入手！由韓國知名紅參企業KGC人蔘公社研發，5件套分別有：巨型潔淨棉棒、紅參頭皮磨砂膏、洗髮水、髮膜及頭皮精華，加埋總數都唔使HK$200，CP值爆表！含有高濃度「韓國紅蔘精華」及涼感成分，網民實測後聲稱甩髮量少咗一半，而且光澤感明顯提升！想試下係咪真係咁靈，即刻買返支俾自己您嘅脫髮星人朋友啦！> “跳跳虎” 分享詳細RGIII紅參系列實測效果 <點擊圖片放大 +5 必買護膚保健品清單｜5. MEDIPEEL玻尿酸水潤保濕棉片講到DAISO必買清單，韓妹人手一盒嘅MEDIPEEL毛孔棉片必定榜上有名！呢藍色包裝主打保濕及收細毛孔，以8種玻尿酸及Aquaseal專利成份，妝前濕敷5分鐘就可以打造出水潤膚質，令底妝超貼服！而且韓國DAISO只需₩5000 (約HK$30)就可以入手，平住變靚靚！點擊圖片放大 必買護膚保健品清單｜6. CUREST免沖洗泡泡面膜平時懶得敷mask又想變靚嘅您一定要入手呢個「CUREST免沖洗泡泡面膜」！洗完面之後擠啲泡泡出嚟，只需10秒就可以通過將泡泡按摩吸收，達到為肌膚注入水份嘅神奇功效啦！而且用完仲自帶清爽感，水光肌GET！價錢亦都係₩5000/盒 (約HK$30)，買返一盒俾自己同懶人朋友就最啱啦~>由 “LuoLing0517” 同您介紹韓國Daiso熱賣爆水面膜<點擊圖片放大 +2 必買護膚保健品清單｜7. 韓國DAISO限定凡士林面膜去到韓國DAISO見到呢片「Vaseline凡士林面膜」建議可以閉眼入手！因為得韓國DAISO先有得買咋，而且唔好睇佢先₩1000一片(約HK$6)，意外地有超強保濕功效！綠色包裝係精華液質地，而藍色包裝則為乳液質地，韓國DAISO高性價比之冠一定非佢莫屬啊！ 韓國大創DAISO 15大實用好物推介｜必買彩妝品清單必買彩妝品清單｜8. IPKN&氣墊胭脂韓國彩妝牌子IPKN同韓國Daiso聯名嘅子品牌IPKN&推出氣墊胭脂！外型小巧可愛，仲內置迷你鏡子同超柔軟氣墊粉撲，亦都因為佢係氣墊，所以用量都好易控制，唔會搽過龍~一共4色可選，每隻色都自然又帶少女感~而且一粒都係₩3000，包色都唔過分！> “跳跳虎” 同您分享更多IPKN&氣墊胭脂用後感<點擊圖片放大 +6 必買彩妝品清單｜9. Son&Park 唇頰兩用胭脂膏想GET韓妹水光肌，一定要入手呢個韓國化妝師品牌Son&Park推出嘅熱賣款「唇頰兩用胭脂膏」！細細粒方便攜帶，質地水潤唔黏笠，而且搽一下已經好顯色！只需₩3000就用到平替版Chanel，女生們冇理由唔買啊~~>睇 “LuoLing0517” 分享Son&Park用後心得<點擊圖片放大 +2 必買彩妝品清單｜10. GROWUS 瀏海定型噴霧夏天出門絕對係有瀏海女生嘅地獄！！呢個由韓國專業護髮品牌GROWUS同Daiso聯名推出嘅瀏海定型噴霧喺Threads一面倒好評。₩3000就可以打造出「鋼鐵瀏海」，而且噴完瀏海都唔會變硬，仲可以維持蓬鬆感，簡直係瀏海女生福星！點擊圖片放大 必買彩妝品清單｜11. TAG雙色修容盤提到修容化妝品牌，第一時間就醒起韓國知名彩妝牌子Too Cool For School！今次介紹嘅TAG就係Too Cool For School進駐韓國DAISO嘅子品牌，想當然一定係韓國大創嘅明星產品啦！一盒只需₩5,000 (約HK$30)，滿足您打亮同陰影兩個願望，甚至可以作為眼影使用。而且粉粒幼細，可以輕鬆修飾出自然立體嘅高鼻梁瓜子臉啊~點擊圖片放大 +2 韓國大創DAISO 15大實用好物推介｜必買生活小物清單必買生活小物清單｜12. Homemax防水噴霧雨季想令雙腳維持清爽，有呢支DAISO防水噴霧一噴即防水，噴完唔使驚對鞋濕笠笠唔舒服啦！而且價錢比起出面鞋店買嘅防水噴霧更加實惠，只需₩3,000(約HK$18) 就可以實現衣物、鞋子乾爽自由，告別濕鞋同濕衫！點擊圖片放大 +2 必買生活小物清單｜13. DAILY COMMA固體香膏夏天容易出汗，難免會出現汗臭。上面提到嘅韓國香氛界新寵DAILY COMMA除咗有出護手霜之外，原來仲有固體香膏都係韓國大創必買好物。固體香膏以法式浪漫為靈感，共有4種質感香味，而且成份溫和不含酒精。細細支方便隨時補香，自然調香更可以令生活增添格調。一支4.7g固體香膏只需₩3,000 (約HK$18)！點擊圖片放大 必買生活小物清單｜14. 韓國DAISO EVA 5cm厚底拖鞋無論係辦公室定係下雨天外出，都需要一對防水、耐著又著得舒服嘅拖鞋。DAISO完全可以令您用最低嘅價錢買到您最想要嘅拖鞋款式！呢對EVA厚底拖鞋更係網民熱推演唱會企位必著拖鞋，₩5,000(約HK$30)著完有增高效果之餘，仲可以減輕長時間站立嘅疲倦感，超實用！ 韓國大創DAISO 20大實用好物推介｜必買零食手信清單必買零食手信清單｜15. 趣味韓國國民零食煲劇當然少不了香脆嘅零食作為宵夜良伴啦！喺韓國DAISO，您可以輕易發掘到零食寶藏！當中有好多得意形狀嘅棉花糖、國民拉麵牌子「安城湯麵」口味嘅脆口零食等等，深夜時分睇緊嘅您，小心口水啊！>跟住社群U Creator去韓國DAISO買零食<點擊圖片放大 +2 — — — — —圖片來源：韓國DAISO官網、社群U Creator @Chinglaammmmm、為食營養師Germ、@跳跳虎、@LuoLing0517
