➤立即下載U Lifestyle App➤詳情懶人包西門町唔單止係台北最熱鬧嘅潮流集中地，更聚集咗多元美食，由米芝蓮牛肉麵、70年老店、地道小食到打卡Cafe等都應有盡有。今次為大家精選15間必吃嘅西門町美食，一次過帶您大飽口福，食均台北人氣商圈！西門町美食|打卡甜品1. 妳有咖啡Neo CafeSukylam 早前去咗潮聖西門町「妳有咖啡Neo Cafe」，一嚐號稱「台北最強布丁」，結果果然好有驚喜！招牌焦糖布丁彈牙綿滑，充滿濃郁蛋香又唔會太甜，一試難忘。西門町行街行到攰，不妨嚟坐下嘆杯香濃沖咖啡~營業時間：11:30–21:15 (逢週二休息)地址：台北市萬華區武昌街二段83-9號號 2F> “Sukylam” 真實食評 <點擊圖片放大 +2 2. 西門夯麻吉煙韌控注意！西門町「夯麻吉」主打Q彈口感嘅沖繩日式燒麻糬，有煉奶、花生、芝士、香辣等多款鹹甜口味選擇，麻糬烤到外脆內軟，搭配上煉奶同花生粉味道超夾~ 難怪 ““Fattykaka” 話每次去台北都一定會食！營業時間：14:00–22:30地址：台北市萬華區峨嵋街49號> “Fattykaka” 分享每次去台北必食「夯麻吉」！ <點擊圖片放大 3. 本願豆花店台北本地人都大推嘅「本願豆花店」，最出名就係佢哋祖傳三代嘅傳統手工豆花，豆味香濃清甜不膩，配上足料紅豆、粉圓、芋圓等，價錢超親民，夏天去西門町必定要試呢個消暑甜品！營業時間：12:30–21:00地址：台北市萬華區貴陽街二段1號> “DollyLing” 分享「本願豆花店」食評 <點擊圖片放大 +2 4. 冰封仙果主打新鮮水果刨冰，加入大塊鮮果粒、果汁、鮮奶凍結成三色手工雪花冰，再合體成毛茸茸感十足嘅軟綿雪怪，賣相超可愛又好味，大人小朋友都鐘意~營業時間：12:00–22:00地址：台北市萬華區中華路一段114巷18號1樓 西門町美食|老字號麵店5. 老山東牛肉麵“Mia Holiday” 介紹大家食呢間西門町70多年老店「老山東牛肉麵」，連續多年獲米芝蓮必比登推薦，牛肉麵湯或以台灣牛骨及多種中藥材熬製而成，牛肉軟嫩入味，係連當地人都大讚嘅正宗台灣美食！營業時間：10:30–21:30地址：台北市萬華區西寧南路70號B1之15室> 即睇“Mia Holiday” 食後感 <點擊圖片放大 +2 6. 阿宗麵線「阿宗麵線」多年來一直人氣不斷，每次行過西門町必定會見到店面大排長龍~麵線湯頭鮮香，搭配滷大腸同埋辣椒、蒜蓉等醬料，夜晚買碗返酒店做宵夜一流。營業時間：08:30-22:30 (星期五、六營業至23:00)地址：台北市萬華區峨眉街8-1號> “思思賢 Chill My Babe” 宵夜推介 <點擊圖片放大 7. 西門麵店住西門町想食宵夜仲有咩選擇？60年老店「西門麵店」24小時營業，必點銷魂豬腳飯，豬腳油脂香配上白飯同自家製辣蘿蔔，邪惡又美味，無論幾點肚餓都有好嘢食！營業時間：24 小時營業地址：台北市萬華區內江街41號點擊圖片放大 西門町美食|日本料理8. 瞞着爹隱身於西門町小巷嘅「瞞着爹」，供應超足料日式壽司丼，三文魚、海膽、帶子、拖羅等刺身鮮甜又厚切，價錢亦比香港便宜。> “太太小廚房” 推介「瞞着爹」 <營業時間：12:00-14:30, 17:30-21:30地址：台北市萬華區武昌街二段82巷2弄4號2樓點擊圖片放大 +2 9. 三味食堂西門町仲有另一間超有人氣嘅日式家庭料理「三味食堂」，人人都特哋嚟食佢哋嘅超厚切三文魚壽司同刺身，另外仲有三文魚滷肉飯、天婦羅丼、各式手捲都值得一試。營業時間：11:20–14:30, 17:10–21:00 (逢週日、週一休息)地址：台北市萬華區貴陽街二段116號點擊圖片放大 西門町美食|打卡Cafe10. JAI宅 義大利麵 西門店「JAI宅」係西門町內一間人氣打卡Cafe，特別要試佢哋主打嘅創意口味意粉，例如「橘醬綜合海鮮麵」、「生火腿開心果意粉」、「香辣麻婆豆腐麵」等，口味配搭新鮮，為您嘅旅程帶點不一樣嘅驚喜~營業時間：11:30–22:00地址：台北市萬華區武昌街二段50巷10號2樓點擊圖片放大 +2 11. Meat Up 覓晌鍾意打卡嘅您必到呢間粉紅韓風Cafe「Meat Up 覓晌-西門町店」，佢哋每道餐點賣相都超精緻又浮誇，亦會因應水果季節推出巨量「草莓101」、「芒果巨型芭菲杯」等誇張甜品，各位甜品魔人不妨去挑戰一下！營業時間：週一至週五11:30-21:00；週六及日10:30-21:00地址：台北市萬華區武昌街二段37號6樓點擊圖片放大 +4 西門町美食|地道美食12. 梁山泊小籠湯包非常受遊客歡迎嘅爆汁小籠包，件件皮薄湯多，一咬開外皮即刻爆出熱辣辣肉汁，肉餡亦好鮮味~營業時間：10:00–15:00, 17:00–21:00 (只開週三、五、日)地址：台北市萬華區漢口街二段54-4號 13. 甘妹弄堂結合客家菜及台灣料理，「招牌韭黃鐵板湯包」即叫即煎，金黃香脆嘅底部配上台式小籠湯包，口感創新有驚喜，令人忍唔住食完一件又一件！營業時間：週一到週四: 8:00-14:30, 17:00–20:00週五到週日: 8:00-21:00地址：台北市萬華區昆明街130號 14. 老天祿滷味講到西門町美食，點少得知名老店「老天祿滷味」！用上代代相傳嘅滷水配方製成鴨舌、鴨翅、鴨心、脆腸、雞腎等多款人氣滷味，宵夜餸酒一流，仲埋有真空包裝可以帶返香港做手信。營業時間：10:00–22:00 (逢週三休息)地址：台北市萬華區武昌街二段55號點擊圖片放大 +2 15. 程味珍意麵滷味主售台灣地道乾意麵、魯肉飯及滷味，自選各種入味滷味小菜，如滷蛋、海帶、豆干、蘿蔔及及豬腸等配搭主食。招牌的乾意麵口感有嚼勁，淋上鹹香肉燥好回味呀~營業時間：10:30–03:30地址：台北市萬華區西寧南路65號 圖片來源：社群U Creator Sukylam、Fattykaka、DollyLing、Mia Holiday、思思賢 Chill My Babe、太太小廚房、官方網站、網上圖片
