Vienna ~ 2日1夜 日期 : 4-5 Jul 住宿 : Hotel Allegra Wien⭐⭐⭐ (Booking.com €48/night) 平均每人hkd $213一晚 飛完長途機，只係要搵個好地方抖下，預備第二朝坐火車入Hallstatt。間酒店正正係Matzleinsdorfer Plaz站對面，距離Wien HBF 一個站而已，好適合做中轉站住宿。 優點:位置，價錢，附近有超市同餐廳。 缺點: 無冷氣，有火車噪音。 2 Single Bed - €48 Hallstatt ~ 4日3夜 日期：5-8 Jul 住宿: Gasthof Pension Hirlatz ⭐⭐⭐ (Booking.com €354/3 nights [已加每人每晚 €1.7旅遊稅] 包早餐 平均每人hkd $537一晚 ) 景點: Lake Hallstatt, Salt mine, Dachstein Salzkammergut (five fingers, Welterbespirale, ice cave, mammoth cave) (i) 向Hallstatt出發 朝早坐9:50分既火車由Wien HBF 出發。睇清楚架車有寫明邊卡係second class,吾好去錯吖，坐2個鐘左右，係Attnang-Puchhem站轉左一程火車，就直到Hallstatt站。大家吾駛驚會轉吾切車，因為試過好多次，要轉架車就係隔離個月台。第二架車就無分first class 定 second class。坐多1個鐘鬆d就到，好多人會係Hallstatt落,大家吾駛擔心會miss左。一落車向右行，就會見到一個ferry牌，大概落斜20米就會見到個小碼頭，去Hallstatt single trip €5 。船期同火車係夾好哂，所以完全吾駛等既。 (ii) LAKE HALLSTATT 上左船，可以好好欣賞Lake Hallstatt既美景，的確係有幾分與世隔絕既寧靜美（可惜入到去真係有太多太多太多遊客）。8 分鐘左右，就可以入到久仰大名既歐洲最美小鎮。 如同歐洲其他湖一樣，周不時都會見到天鵝，仲可以近距離接觸到佢地。 ***沿著湖邊一直向前行，行入鎮內較入既地方，你會見到好多當地既居民係度游水，有個小跳板。隔離有個公園，有搖搖板。建議大家去下。 如果吾怕凍，可以與天鵝同游 住宿: 我地book間hostel係比較入既地方，由碼頭行過去大概要20分鐘，拖住行李係有d辛苦既。不過有地方住已經偷笑，我地提前個幾月book都幾乎FULL曬，一係淨返d3千零蚊晚既高當野。 小建議: 去度嗰邊發現其實有好多私人出租既民宿(有個Zimmer 牌掛係出面)，如果吾係攜同老幼或有超多行李，我建議大家可以入度去先搵。另外，我覺得其實吾一定要住Hallstatt鎮既，可以選擇距離10分鐘車程/行40分鐘路程既Obertraun鎮(Dachstein Salzkammergut 既所在地)。價錢一定會較便。 Gasthof Pension Hirlatz - €118 / night (Breakfast included) (iii) SALT MINE (* only open from Apr-Nov) Salt mine 位置較入，由city 一直行入去，經過tourist centre，過馬路再行入少少就會見到ticket office, 去salt mine 可以選擇坐纜車（3分鐘左右）或者行路（個半鐘左右），我地就選擇左買salt mine entry (€22) + 單程纜車(上)(€9)。 大家可能會覺得我地白痴，因為佢個套票salt mine entry + 來回車票都係€30 ，甘咪仲貴左？ ***TOURIST CARD €3 or 免費換*** 吾記得講，如果大家住係Hallstatt入面，可以拎住佢張guess card 免費換一張價值€3既Tourist card (如果吾住鎮內，都可以用€3買啦), 之後就可以用佢黎享用不同既優惠。醒目之選！！ 有左呢張卡，我地比€24就可以得到原價€31既飛，多過8折嫁喂。正>< a) 向Salt Mine出發 落左纜車之後，沿住左邊行上樓梯,再行15分鐘左右上條奪命斜路，就搵到salt mine 館既入口，嗰度都有另一個售票處。大家首先要着佢免費提供既保暖套裝（條褲仲有玩滑梯既剎制功能），再跟住個guide行多百幾級樓梯上salt mine 既入口。 成個tour 歷時一個鐘左右，都係聽佢講下d歷史甘，最特別都係sir佢嗰條超長木滑梯同坐架列車返地面，大家記住sir到3/4左右會有影相位，仲會記錄你既時速，大家記住完左個tour後係更衣處角落睇返，嗰次我地掛住笑自己個7樣，無睇到個數字，係一個遺憾，如果想買返張相，就要 €5。 等入去個陣熱死 b)落山（～1.5 hr 路程） 行落山既路都會有碎石同都幾斜，大家要留意，不過風景的確吾錯！ 一路好風景 (iv)Beinhaus House €1.5 一個充滿鎮上先人頭骨既小教堂,個人覺得吾太值得入去睇。 網上已經可以360度甘觀賞。 Link: http://www.kath.hallstatt.net/panorama/beinhaus/index.html (v) Dachstein Salzkammergut 交通: Schifffahrt 船 (€7/單程， €10/來回) Postbus 543 ( €2.1/單程) Bus 543 Time Schedule: (Hallstatt--> Obertraun Dachsteinseilbahn) 08:57 ; 09:51 ; 10:57 ; 11:48 ; 13:05 ; 14:21 ; 15:01 ; 15:46 ; 16:41 架巴士係面向tourist centre 既右邊有站，大概20分鐘左右就車你去到正門口，上車向司機買飛。 我地買左All Inclusive Ticket, 可以上曬3個纜車站+Ice Cave+Mammoth cave。係呢個時候，Tourist Card又出動喇，原價每人 €44.4,優惠價只需 €39.5。 分佈大致係甘既: 第一層纜車站：Ice Cave + Mammoth Cave 第二層: Five Fingers + Welterbespirale + 鯊魚 第三層: 無景點，登高、睇風景 p.s.另外佢有個叫考本布呂樂洞(Koppenbrullerhohle) 係遠d既地方，係睇鐘乳石既，門票要額外買。 *******重點提醒： 1) 兩個caves 分別要由第一纜車站行15分鐘先會到。 2) Caves 入面係超超超凍！接近零下，所以一定要帶厚褸！而冰洞無想像中甘跣，大家慢慢行就無問題。 3）Five Fingers 同 Welterbespirale 係要出左䌫車站後行一段路先會到。Welterbespirale (20 分鐘），Five Fingers (30分鐘)，所以大家要預足夠時間。 4）我覺得大家如果時間無甘鬆動，買佢個Dachstein Salzkammergut Ticket 就夠，其實佢個Mammoth Cave 係無咩野好睇。而最後因爲時間關係，我地根本無上到level 3 (最後一班上行纜車係16:30) 5) Obertraun 返 Hallstatt既巴士尾班車係17:22開出，所以大家留意，要提早落山，如果吾係，就要撘的士，今次我地撘shared taxi ，每人就要 €5。
