一到秋天，天氣轉涼，係行山既好時間。每年10月尾11月頭，又到睇芒草既季節喇! 睇芒草唔一定要去大東山既。近飛鵝山既東洋山都有得睇！今次去既東洋山屬馬鞍山郊野公園，我地選擇係井欄樹出發。是日行程：由井欄樹出發 > 經大藍湖上東洋山 > 係飛鵝山道離開 宜家既google map 好好，連簡單既行山徑都有。當日我地都係睇住google map 行，就會搵到衛奕信徑4段入口。 由井欄樹行去大藍湖中途，沿途都係樹蔭，行得好舒服。發掘更多香港的美：【香港】簡易行山看香港最美風景 – 山頂盧吉道夜景、西高山日落(附拍攝技巧)【香港】鳳眼藍花海綻放 串串紫色花海 元朗盛屋村 (含花海位置地圖)【香港】西貢吊鐘洲、金魚擺尾歷險記【香港】隱世「溫泉」- 水清沙幼綠蛋島第一個景點有一個小石澗，非常清幽，河水清澈，影相都幾靚。點擊圖片放大 之後會經過一座荒廢了既大宅，往下走，到達大藍湖後開始就要行上山了！主要以梯級為主，梯級都幾大，如果少行山都會吃力。一路沿著衛奕信徑4段上山，大約要行45分鐘至1小時到頂。第二個景點行到咁上下，記住回頭睇風景! 會望到西貢全景，不過當日太大霧，能見度好底。如果天清應該會好靚! 行山速度快過寫blog，想睇片同我最近既行山介紹，請睇IG @ travelwithangel第三個景點去到最頂，山頭佈滿芒草。所有行山既人都聚集在此。行佐成3個鐘，身處於海拔533米既東洋山頂，要影多幾張相！雖然無太陽影相真係差好遠，不過一場黎到，緊係要慢慢影到夠。 平日行山，人流唔算多，要避開其他人影相都唔難。喜歡香港大自然的朋友，邀請你加入探索香港大自然Facebook群組。歡迎大家分享香港大自然、行山資訊。群組亦會組團郊遊。點擊圖片放大 好可惜行山當日好多雲，無太陽，無得睇日落，所以無去飛鵝山觀景台。如果天氣好，去到飛鵝山道可以行5分鐘去埋飛鵝山觀景台睇日落。聽講東洋山附近既黃牛山都有得睇芒草，下次可以早幾個鐘出發，一次過去黃牛山加東洋山！去到飛鵝山道，如果唔call車，可以選擇走車路到清水灣道喺彩虹或走衛奕信徑4段到慈雲山離開。如果唔想行3-4個鐘上東洋山，其實有個終極懶人方法 – 10分鐘懶人登頂攻略請睇原文：https://travelwithangel.com/zh-hant/tung-yeung-shan-hiking-silvergrass/ 東洋山行山資訊路線：由井欄樹出發，經大藍湖上東洋山，係飛鵝山道離開 難度：中等 - 5/10 所需時間：約4小時 (包括攝影和休息時間) 距離：約8公里 海拔增加：451米 看芒草月份：10月尾11月頭 途中廁所：沒有 途中補給：沒有 Angel的小貼士保護大自然保持大自然清潔，不要在任何地方留下垃圾唔好自己喺芒草田開路，只行己經開佐既路徑保護植物帶一些食物和飲料最好穿登山鞋，可以穿運動鞋但請小心如夏天出發，記住帶足夠水，不停補充水份，以免中暑行山前拉筋，行完山都拉拉筋 喜歡我的文章/相片？可以在以下渠道追蹤我的最新分享：Angel的網頁↠ https://travelwithangel.com/zh-hant/Facebook↠ https://www.facebook.com/travelwithangelho/Instagram↠ https://www.instagram.com/travelwithangel/攝影作品↡http://www.angelhophotography.comhttps://www.instagram.com/angelhophotography/
