今次同大家分享下我上一次staycation 體驗，今次我用左半價優惠去住，一陣到最後會介紹點去訂

麗思卡爾頓酒店為香港最高酒店，景色非常獨特，正因為酒店高的原因，所以房間都有分三個景觀:

Check in

我今次在大約1230左右到酒店check in, 酒店大堂位於103樓，要由地下坐升降機上103樓。在我住過禁多高樓酒店的經驗話我知每一個高樓都好大多有一個問題，等𨋢！

酒店在地下大堂上103樓只有4部升降機，每次上落大概要5分鐘左右，等𨋢呢個畫面時有發生。對比起其他地區，香港真系差左D，平時酒店都會有6部升降機，減少等𨋢的時間

房間

今次1230 check in 即刻有房，我間房位於112樓，酒店客房樓層最高116樓，我覺得當最低的樓層已經系106時候就唔需要再高樓層

一入房間有一個小玄關，再行入去就會見到一張書枱同迷李吧，房的格局同正常傳統國際集團5星冇咩分別，更可以話冇咩當地特色，當然佢的景先系佢的特色

再行入少少你已經可以見到維港景，正因為酒店房位於角位，所以可以見到維港景同西九龍景，在房的窗前都有一個網紅打卡位，超級吸引！

講翻間房，房以開放式設計，中央有張大梳化，呢張梳化除左可以比你睇電視更可以比你坐得好舒服禁睇景！呢個直頭系成間房的加分位！

留意翻，當大家成日會upgrade 去套房，套房系冇呢個梳化，我都覺得真係有D古怪，而且酒店普通套房的格局同呢間房差唔多，只系在原本梳化位同床之間有一度牆，所以我真心建議可以唔需要住套房

廁所方面就好正路，雙洗手盆同浴缸，唯一不足系廁所冇維港景，呢個有少少減分！

設施及服務

酒店服務來講好正常，會提供兩次的執房服務。我晚上的夜床服務miss 左，我第二朝搵佢地，佢地即刻幫我執翻房，呢點超級加分！

在設施上，一定要講下佢個全港最高泳池，基本上呢間酒店所有野都系全港最高！

泳池在118樓，即是酒店的天台，50米的室內泳池，對正維港景，超級靚！

池邊做左一個淺水處，做到好似infinity pool 效果。在岀面，酒店整左個户外按摩池，按摩池對住維同西九龍海景，呢個位都算是網紅打卡位！

餐飲

我今次的房價包左早餐，早餐在酒店的102樓lobby lounge 食，有多種食物

食物質素在5星高級酒店計都比較差，味道好一般，唯獨個景好靚，同樣對住維港。當你以2000蚊一晚來計呢個都算接受！

訂房攻略

正如一開頭講，我用半價優惠去住。現在在麗思卡爾頓酒店食滿500蚊，佢地就會送呢張卷比你。優惠卷兩星期有效！

你可以用半價入住佢地指定客房。我去直接同訂房部用預訂，在禁多種房型計最抵都是我呢隻特級豪華維港景觀房。我上次半價左都只需要2000蚊包二人早餐

酒店會提供額外加錢升級到Club room or suite，但正如上面講升級上套房就唔需要啦，我上次個間房感覺好過套房添，至於Club lounge，我就冇體驗過，希望下次可以review 下

希望大家鐘意我呢個分享，同埋支持我！如果大家反應好，我會繼續介紹不同的香港staycation 真實體驗！