航空會籍抵 D 定酒店會籍抵 D 最近我就做左一個沉重決定，就系放棄酒店會籍，只會繼續保航空會籍，今日就想分享下我點解會有禁的決定同背後的考慮因素 住酒店的密度減低 如果有睇開我的Blog 就知我最近轉左工作，返工的時間冇以前禁彈性，未必做到每個月去一次旅行，對於住酒店就更加小時間，可能每次住都系一兩晚同一定會夾埋公眾假，對於酒店拎優惠就少好多 當要去旅行就可以比多錢住好D 酒店特別待遇較少 呢個我是同現正航空會籍做個對比，雖然佢地網上話你住佢酒店最高可以升級到套房，但我見呢幾年升上套房的機會較少，有時候見到其他都系我呢級別的人升上特色套房的機會更多 我就睇到佢冇一個系統去處理呢個升級上套房，呢個令到好多時未必做到我想要的效果 相反，睇翻航空會籍，人地完全冇講過會員可以升等，但我體驗到的是，當架機爆，佢就會幫高級會員升艙，機率都好。另外，當你在一D航班不正常的時候佢地比到你的特別禮遇就同其他人好唔同 去到你上到機，你高一級會員拎到的服務同低一級可以差好遠，正如之前講過飛機壞焗爐，金卡早食過銀卡半個幾鐘就知個分別 覆蓋範圍較單一 酒店集團會籍的定律好特別，當集團大，會籍級數愈多，福利反而較少。相反集團細，會籍級數愈少，福利較多。但當你要去住佢集團細的酒店就較難，好似我現在的Hyatt 有一些地點基本系冇，你就好難次次住佢個集團 航空會籍就唔同，佢好多時都有聯盟，包含左其他航空公司，雖然話系二等公民對你，但你都會有基本待遇，而呢D待遇系公開同大家都知的。正因為佢包左幾間不同的航空公司在聯盟上，你好容易坐得到！ 有時候，經一D指定信用卡公司 or 之前講既搵指定旅行社訂酒店你都可以拎到好多優惠同房間升級 經過以上的考慮，我最後都決定放棄追逐酒店會籍，改為將D彈藥留在航空會籍同真正享受旅行的細節上，有機會的話等我正式冇酒店會籍再寫下我有冇後悔做呢個決定！
