特選經濟艙的決擇 好多人成日問我,特選經濟有咩特別同點決定去坐特選經濟,今日就分享下我對特選經濟的睇法同點去選擇坐唔坐佢 1. 機程同票價比例 廢話,大家估我一定講機程長就一定要坐特選經濟。如果你禁諗就錯,有時候機程長都未必一定要坐特選經濟 比個例子比大家,現在成日講國泰直航澳州經濟艙抵到冇朋友,低見4千幾連稅(好似講股票禁)但大家睇下如果你坐特選經濟,機票價格成萬幾蚊,系經濟的三倍,其實飛澳洲都系9個幾鐘,如果你坐正日頭機,訓都唔洗訓,點解要坐特選經濟呢? 比多個例子,當你決意要豪一次,你見到北京飛特選經濟去美國大概9千幾,飛商務賣一萬六千蚊左右,聰明人都識選掛,比多幾千就可以平躺入貴賓室同食好野! 在好多人眼中特選經濟系經濟艙同商務中間,但其實當大家睇下佢的服務細節就會知系偏向經濟的層次 點解禁講,特選經濟冇得入貴賓室,座位又冇好似地區性商務禁闊,餐當然又冇禁豐富(特別是短途,同經濟餐一樣)在種種的情況下就見到特選經濟個價性比似經濟艙 但都要讚下特選經濟的上餐速度,佢都照有前菜,主菜同甜品,但佢會一個Tray 上比你,你可以食完即刻訓覺,成件事好快手,有時食完睇下前艙還食緊頭盤 2. 座位供應情況 可能你會話,你不斷話特選經濟差又見你坐?我通常坐大多是換機票同想個日岀發先會選擇 眾所週知,換經濟里數難過登天,成日都話冇位,排候補,排到2046。當我選個班機有特選經濟,而經濟一滿就一定會坐特選經濟,我當佢是一個保證上到機的指標 比個例子,我上次去首爾,我回程要排經濟同特選經濟waitlist ,特選經濟幾日就confirm 到,經濟排到岀發前一日都冇,點解呢?原因好簡單,短途亞洲航班特選經濟同經濟冇分別下你會唔會買,成日特選經濟有好多位放,相反經濟只會愈遲愈爆,所以我選特選去保證有得去 另外,通常以國泰航班編排,好多時有特選經濟的機時間都好好,早去晚返同有位,所以都系我選擇坐的其中一個選擇! 3. 儲分同會員問題 我有時候坐特選經濟會因為儲分 都知啦,國泰將D 儲Club point 的booking class 細分得好跨張,你平時用6000買個來回美國都未必儲到100%,但當你用9000買特選經濟就可以儲到110%。引用之前講過的分同比錢的比例做例子,一定會選擇買特選經濟,可能你要比會幾千蚊,但可能由之前儲50%變110%,除左會籍積分外,里數都可以多D 大家另一個好關心的問題upgrade,我唔系講用分upgrade,系講緊free upgrade,好多時國泰經濟一爆就會up 客到特選經濟,當連特選經濟都爆既時候,佢就會將特選經濟客up 上商務留翻個位比經濟上 呢D情況我都試過好多次,有幾次更加系長途添!點睇到呢,就系用searching engine 搵下邊班機經濟爆左,你買個班特選經濟你就會好大機會upgrade 上商務,當然啦都要好睇你個人的幸運度 總括來講,特選經濟唔系唔好坐,但坐之前一定要睇清楚值唔值得比多D錢坐,而且坐的時候一定要有一定目的先好坐!