複雜票務小貼士 有時候大家去旅行未必只買一張票，可能會幾張票合併為一個行程，但有幾點一定要注意下，今日就同大家分享下！ 注意，我講緊分開兩間航空公司或兩張票買，唔系同一間公司岀轉機票，因為如果航空公司自己岀，佢地已經幫你諗左 轉機時間 有時候分開兩張或幾張票，你一定要注意是否有足夠的轉機時間，但何為足夠？呢個一定要問第一間航空公司，佢地通常會有岀你既目的地機場的最低轉機時間，以香港為例就系50分鐘 除左航空公司多，你都要留意下航空公司有冇D咩特別的常態大delay。有時候，航空公司可能會有幾班機多成日delay，可能因為航班調動。我就建議大家應盡量唔好真系玩個轉機時間太急岩岩好，因為可能你頭機會遲，因為天氣因素 中轉行李 呢個都非常重要，因為你好多時唔一定會只帶手提行李，當你有寄艙行李的時候就一定要留意 好多時當你買不同航空公司但同一個聯盟的時候，行李都可以直掛去目的地，但你事前一定問清楚航空公司系咪可以 因為當佢話直掛做唔到，你就要留多D時間在轉機時拎行李再去寄過。有D情況下，就算可以所謂直掛，在一D需要清關的國家，你都需要拎翻個行李。當然，呢D情況航空公司會一早同你地講 比個例子比大家，我上次由河內去墨西哥就在溫哥華轉美國航空經Dallas 去，我分開左兩張機票買，我行李在河內可以直掛到墨西哥，但因為要美國清關，所以一定要在Dallas 拎行李再放翻落去 我就在Dallas 搵唔到自己行李，一問，人地就話件行李在溫哥華冇上到機，所以轉唔切過來，變左做delay baggage，呢個我遲D會岀文分享下 所以話當你分開票，真系睇清楚行李點處理，有可能到時候系人轉到行李轉唔到！ 入境海關問題 呢個就真系最重要，因為可能影響到你上唔上到機 有一D國家轉機都需要有效簽證，例如美國，佢必須你要有簽證，更要經過入境手續先可以轉機，就算系國際轉國際都需要呢D野 你一定要預留充足時間去做清關同入境先可以成功轉機，特別大家都知美國過關好耐，所以佢地航空公司比既正常轉機時間未必做得到，因為你要預留你入境的時間 快速轉機小攻略 有好多航空公司特別是聯盟的轉機地會提供呢D服務，佢會比你有一張express connection，你只要show 個張卡，你過關就可以打尖同特快，我試過有呢張卡30分鐘在倫敦轉機，60分鐘在Dallas 轉機加清關 都系個句，航空公司會睇情況比呢張卡比你，唔系人人都有，有的話通常真系好急轉機 希望大家覺得呢幾個貼士實用，在大家計劃轉機行程時就更方便！
