呢幾日都有好多朋友或客人八卦咁問，點解識咁多日本當地的日本餐廳，其實有D 就日本朋友介紹啦，有D 就係喺日本打滾咗數年後，自己既飲食經驗啦! 所以基本上推薦得給大家朋友仔的，大家就唔駛太擔心，因為品質上有番咁上下，我先會發文的! 又有朋友會問我咁日本米豬蓮的餐廳值唔值得幫襯呢? 我自己認為其實佢地都有一班專業食評家去審核出來才俾星星，如果大家想食得高氣派少少，整體氣氛環境高級一點的話，我覺得不妨可以一試，尤其是手握壽司，職人所調配出嚟的味道老實的真的是不錯, 手藝呢樣嘢真係個個都唔同，仍然值得花上金錢去親目其手藝! 點擊圖片放大 但如果大家BUDGET有限，也有好多隱世既的壽司店可以推薦，而呢間位於横濱有成140年歷史的壽司店係我自己的心水壽司店舖之一，好多擺設都充滿了明治時代的古典味道! 佢地正正位於横濱中央市場，所以每日都有不同新鮮海鮮推介，而我自己每次都會叫中TORO壽司，入口即溶，而通常也會叫SET多，我自己覺得CP 值超高! 好似呢SET "にぎり12貫"、玉子、巻物、お椀" 都係5000千円，400港幣有找，重點係品質完完全全能和其他米豬蓮的餐廳有得FIGHT ..... 當然可以一件一件咁ORDER 啦! 但座位就唔太多，我自己就會一早預約。再和幾個好友飲番幾杯! 個個食完都話ENCORE! 交通: 東神奈川駅 徒步18分鐘 横浜駅轉48系統循環BUS,約8分鐘、「中央市場前」下車徒歩１分 有機會就去試下啦, 絶對物超所值! 匠心の旅 Travel Plan Ahead#日本深度遊 #日本 #TRAVELPLANAHEAD #匠心之旅 #横濱 #壽司
