將會有大變天的航空業~ 會係【雪上加霜】 還是【雪中送炭】?? 我相信大家都好關心香港國泰今日停牌既事情，早上有好多傳言又話國航會增持股份又話香港政府將會做白武士去打救CX，係1點左右，國泰已經宣佈香港政府將會注資成為股東，將由財政司司長以Aviation 2020 Limited 擁有，換句說話嚟講政府將持有國泰6.08% 股份或等同6.43億。 而持有國泰股份變動亦都會大洗牌，太古、中國國航、卡塔爾航空持股佔比將由目前的45%、29.99%及9.99%，分別減少至42.26%、28.17%、9.38%。中國國航、卡塔爾航空及政府持股合計將達43.63%，超過太古持股的42.26%。 **據國泰所講年頭大概有CASH FLOW 200億，但每月開支為25 至30億，所以政府的注資係必要!** 我相信不單是國泰航空，其實其他世界既航空公司都面臨同樣既問題，因病毒在世界各地漫延，大部分國家都封關起來﹐航空界幾乎完完全全停咗落嚟，絶大部分載客只有維持係單位數，好多業界朋友都要被迫放無薪假同公司一齊開源節流，又或轉做貨機希望可以增加部分收入。明白到好多航空公司都好努力咁做宣傳，話俾客人知，坐飛機時會把客人受感染的情況減到最低的，但如果世界各地疫情都仲未控制好，開關可能真係遙遙無期的‧ 傳統航空都仲可以慢慢令顧客恢復信心，最起碼大部分政府都會出資拯救。但如果係以"量"為生的BUDGET AIRLINE? 又或不是什麼國型航空，最後可唔可以繼續生存，真係有太多未知既變數。 如果以後航空公司規定每排只可以隔著座位坐，即係總載客量只可以維持一半50%，如果BUDGET只維持同一樣的票價，收入也自然減一半，但如果機票加價100% ，係唔係仲叫BUDGET AIRLINE呢? 疫情過後仲有幾多間可以留低，真係成謎...! 有好多朋友都會話等疫苗面世就會好，咁疫苗又會幾時面到世呢? 疫苗既效能又可以到那裡, 可以有效防到60%? 70% 還是80%? 有沒有SIDE EFFECT? 其實都有好多問題存在。所以未來短時間內與病毒共存呢個論點其實我都幾認同! 咁有一批旅客都已經斬釘截鐵咁講，無有效疫苗我地短時間都唔會出國，可能已經無咗3分1的遊客，就算大家都認同共存觀念的旅客又只會等到疫情穩定後才會出發，再加上機票價格又好大可能增加，旅遊既意欲會唔會變低呢? 呢個惡性循環又幾時可以完，真係無人會知! 所以其實而家係唔係個個都等緊白武士既雪中送炭 ，還是繼續雪上加霜呢? 匠心の旅 Travel Plan Ahead
