日本岩手縣 "0"感染的奇蹟 , 何解??? 大家有睇新聞其實都知道日本現在的疫情都仲係反反覆覆，尤其係北海道同首都東京都不繼有新既感染者出現，但點解唯獨是日本的岩手縣還可以守得住，直至6月8日為止都能夠零感染呢個奇蹟呢? 人口密集 講到人口密集，無可否認，東京都是人口最密集地方之一，而岩手縣的總面積大概有一萬五千多平方公里（有十四個香港左右）、佔地僅次於北海道﹐係日本全國第二大的地區，不過地方多多但原來喺呢度只住有一百二十三萬人左右，人口密度是整個本州最低的地方，就可能係呢個原因就正正做到SOCIAL DISTANCE (社交距離) 呢一個防疫重點! 你可能又會反駁北海道人口密集夠唔多啦，但又係最先大爆發地方之一，又何解呢? 2. 交通樞紐 無論係國際航線又或國內航線北海道都比岩手的小城多，四通八逹的交通樞紐可能是其中一個主要原兇把病毒從世界各地帶到北海道，反觀岩手也沒有太多國際航班，只有由台北直航飛到岩手花卷機場，再加上內陸航班又不太多，對於外國遊客來說交通也不太方便，從東京出發到盛岡也需要3個多小時，相對大多數遊客而言，岩手不是一個人氣的旅遊熱點，在有得選擇的情況下，可能會寧願去其他城市參觀，有時交通不便，都會係一種好處。那山形等其他東北地方交通也不太方便，但也有錄到感染個案，又何解呢? 3. 病毒檢測 係東北其他地區;青森県、岩手県、宮城県、秋田県、山形県等地方都錄到感染個案，但無可否認相對的也比較少，有好多人都會質疑係唔係因為病毒檢測低，所以才會有這麼少的個案甚至係岩手縣才會有零個案假象呢? 呢個都可能會係一個可能性，但如果從人口密集的角度嚟看，人口越少的地方相對病毒檢測的需求也應為低，人越多所分給或所需要的病毒檢測就會越多，好簡單的數學原理吧....所以在這情況看來，病毒檢測數量多少應該不是一個重要因素。你又可能會問，何解呢? 4. 人口年齡活躍度 大家可以參考返2019年日本人口統計，岩手縣在65 歲的人口比例為33.1% 都係全日本TOP 10人口老化最多的城市之一，相對其他年齡層比例也佔3分之1 ，可想而知，人口老化的情況是比較嚴重，人與人之間的活躍度也可能相比其他大城市如東京都略為低，如果活躍度比較低的話，人與人之間直接接觸的比例/機會也可能會相對為少，這也可能是其中個原因之一。 5. 良好生活習慣, 天然食材 始終唔似大城市，好多夜生活的習慣可能都沒有大城市的來得多，大部分人也是早睡早起，擁有良好生活習慣，日出而作，日入而息，有著青山綠水，空氣也自然好，再加上天然健康食材，食得也比城市人為健康，所以內在因素都係其中原因造就在岩手的零個既出現。 正所謂"天時地利人利"，我覺得其實缺少咗其中一點，好大機會岩手縣已經係守唔住的。成日都會聽人講，都唔知係唔係僥倖啫? 反問一下其實大家身上又曾經遇到幾多次所謂"僥倖"? :) 如果大家都有少少好奇，日本岩手縣的天然零食有乜咁特別，大家不妨可以CLICK 入去睇下: https://blog.ulifestyle.com.hk/blogger/travelplanahead/2020/05/%e5%b2%a9%e6%89%8b%e5%b7%96%e6%89%8b%e5%b1%8b%e5%8d%97%e9%83%a8%e7%85%8e%e9%a4%85-%e7%88%b6%e8%a6%aa%e7%af%80%e9%99%90%e5%ae%9a%e7%89%88-%e3%80%9072%e5%b9%b4%e8%80%81%e5%ad%97%e8%99%9f%e3%80%91/ 匠心の旅 Travel Plan Ahead FB ♥
