沒事做，有假期，又撞岩平機票就飛左黎福岡。我一向鐘意即買即飛，no stressssss，對於要plan定幾個月後或下年去邊去邊絕對唔係我style 因為太煩。首爾飛過黎都係一個鐘，仲要成日有平機票，我諗我遲d都會成日黎！haha！ 去旅行，我好怕趕行程，我覺得旅行就係要訓係度，去邊都要慢慢黎咁先可以充電叫做『旅行』。因為首爾去海灘真係好唔方便，冇得好似hk咁去邊個海灘都咁方便，所以今次就黎左福岡 糸島市 的其中一個海灘 比我hea…lol 其實好多人黎都係 stay左係 福岡市 入面shopping食野，其實隔離 糸島市都係一個唔錯的選擇，旅遊發展仲未做到好發達，所以information主要都係比返日本國人暫時，所以唔洗怕多遊客以為自己返左hk或者上左大陸 lol 糸島市 其實有好多海灘，不過多數都係要開車去，我地因為冇車，所以就坐JR筑肥線去左一個最客易reach到的beach「深江海水浴場」。去到「Chikuzen-Fukae 筑前深江駅」都係坐左20－30分鐘到！吹下水，沿途風景仲要勁靚，有山有水大自然，所以好快就到。 落車行會見到好多好local的學校，屋，店同埋寺，好local 好有特式 向住海灘 方向行 15分鐘左右就到喇！如果有車 仲可以直達添！ 勁靚，接近無人的海灘！大叫都無人理你！ 對住呢個景都唔想走 水質又清又藍 夏天黎遊水玩水影相 都係冇得輸 我地玩到原全唔想走，玩左3－4個鐘 lol 可以靜靜地咩都唔洗諗 聽下海浪聱而家對城市人其實係一件好奢侈的事 玩到旁晚 見到有學校帶學生黎海邊 玩水 係日本做學生係一件幾開心的事呢 其實海灘正正隔離就有2，3間 餐廳，我地就揀左呢間 睇個景都夠晒 的餐廳坐低左 menu 選擇唔多，老闆係2位大約50－60歲左右的兩公婆，佢地勁好人，見我地係難得的外國人，勁細心咁explain，佢地出名有咩食，又介紹我地試咩試咩，雖然佢地係講緊日文，一粒字都唔知佢地講咩，但係原來用心去聽同溝通 你會大約估到佢想表達d咩，我地仲成功order 佢地好出名的 house made burger 兩種唔同食法 等左好似15定20分鐘左右，就上菜喇！雖然我地餓到飛起，但係見到黎到的食物係整得幾有心機同賣相一流，係值得架！果然係日本！ 佢地個burger勁juicy囉！一口咬落去 熱辣辣勁新鮮 加上佢地的醬汁同奶油一齊食 簡直係天衣無縫！唔知以為自己食緊咩高級料理！同埋仲會送上米飯同salad！好岩summer！好滿足！ highly recommend！！ 玩左大半日返 福岡市 之前 食枝 波子汽水唧唧冰先 想休閒去個海灘enjoy下 試下 當地料理 hae 下 可以黎一黎 糸島市的海灘 糸島市的海灘：http://xn--54q87zl1zrwk.com/umi-fukae01.html 不過好似上面所講啦 多數都係本地人黎玩 所以未有好多 for 外國人的information
