話說 又一排冇黎明洞了！人多遊客多食野又貴夾唔抵食 平時都係有朋黎黎韓國先會黎一黎明洞。不過今日咁岩同朋友經過又見到好耐冇食的 明洞餃子店 所以就衝左上黎！記得2年前韓國姐姐帶我上黎食 人山人海賣既野4隻手指數得出，點知又幾好味，一直腦海中回味，2年後今日先重遊此地。 唔講唔知，原來明洞餃子店已經有50年歷史，呢間野勁出名，韓國人黎親明洞都要黎呢度食返碗。佢呢度就好似香港人間唔中就想食碗雲吞麵牛腩河的感覺。雖然佢叫「明洞餃子명동교자」之但係原來 佢之前個名係叫「明洞刀削麵명동칼국수」。點解會改左名？原來因為本身呢間野係主打 佢地既招牌 刀削麵， 點知點知，配角 餃子 反而一出就大受歡迎 仲變成黎到必點 的 產品之一，後來因為人氣太強 連老闆都忍唔住 要 將成間店 名都改埋添 繼而變成今日的 「明洞餃子」。 ＊呢間野因為人氣太強 太多人的關係，所以係一坐低order左要付費先的 每檯必點的 「明洞餃子」10,000won 10粒 因為我係超鐘意食餃子的人，見到佢地肥肥白白已經好與奮 韓國人鐘意食肉，所以入面肉多菜少，唔好以為肉多入面就會乾爭爭，新鮮自家制，餡料豐富且香滑多汁，肉汁超鮮甜到意想不多， 皮薄餡靚，一個人拍十粒都得呀！ （餃子仲可以打包架！） 칼국수 8000 won 除左餃子當然 要試佢地個 刀削麵！ 湯底超潔濃勁惹味，手打刀削麵果然名不虛傳超彈牙入味，仲要唔spicy 岩晒好多唔食得辣的先生女士，加上4粒小餃子 可以滿足晒想一碗2味的朋友！ 唯一唔好的一點就係佢地的泡菜用太多garlic黎整，太salty！太重口味！ 비빔냉면 8000 won 佢地其他小配角都 唔好睇少呀！呢個 冷撈麵 都好吸引 不過唔得太辣的朋友要注意了！勁冰涼！韓國人夏天必食！夏日熱辣辣岩晒！呢間的冷麵同出面的冷麵 因為佢係綠色的！唔係綠茶味 你錯了！佢係用左一種叫chlorella 小球藻 的 海草打做的！完全不輸出面的冷麵店！要試！ 佢地貼心驚食冷麵食耐左會凍親d客，所以叫冷麵都會送多碗小熱湯比你！ 到左我最鐘意的「大豆麵콩국수」8000 won 喜歡豆製品的朋友又係必食！唔好以為佢係熱的，其實佢係凍食的，炎炎熱日食一啖完全消暑！同上面撈麵一樣都係用小球藻打的麵底，重點係用左白豆黃豆黑豆等等等等多種豆打成的濃豆漿成湯底，別有一番風味！ 同出面好多大豆麵唔同的係 呢間已經調好味 唔洗再自己加鹽！熱到傻的呢個moment 諗起個濃濃的冰凍豆漿湯底 而家已經好想久飛地鐵出去食返碗！黎韓國必食！首爾必試！ ＊小tips：如果想餃子，泡菜或者肉湯～送碗飯，可以麻煩服務員比碗（飯仔） 係免費架！ 唔想黎韓國次次食燒肉炸雞石頭飯咁冇新意 可以黎試一試地道韓國餃子粉麵店！ 唔想每次黎都食 名稱：명동교자 地址：서울시 중구 명동2가 25-2 （明洞8號出口 直行 200m 好快見到架 ） 時間：10：30am－21：30pm 如果多人 直行 1分鐘行多個街口 會有多間分店！
