黎到韓國都忍唔住要去酒店食Buffet！ 不過今次就唔同D，係士多啤梨主題的Afternoon Tea Buffet 韓國的酒店 每年趁住 韓國士多啤梨季 都會各自推出唔同的士多啤梨主題的Afternoon Tea鬥個你死我活！JW Marriot 都唔例外！今次主題 Buffet 由15年12月14已經推出一路到16年3月31日！平日都係hkd＄250左右 仲要唔洗加一！不過因為反應太熱烈！佢地加長左日子我地先食到咋！ 我地早左15分鐘到 帶位的姐姐 安置好我地之後 話唔好意思 一陣會準時2點鐘開始要麻煩我地等等 我心諗 你真係太客氣喇姐姐！ 我地香港人＋日本人的精神當然係相機食先啦 一路影的時侯 我成個腦已經開始組織緊成個構圖 就係我隻碟上面一陣 要放咩上去先！ 哈哈 士多啤梨推到成座山咁靚！ 點捨得 唔 食 你呀！ 呢幾座山 其實係for 個 mini chocolate fondue 架！完全自助的！勁吸引！ 綠茶士多啤梨蛋糕 入面粒 巨多啤梨 真係 勁大粒！成個拳頭咁大！勁搶眼！ （拳頭 以1歲小童的拳頭為準 lol） 呢個睇落勁過懚，係strawberry x caramel Lollipop ！佢真係好可愛又好有趣 不過for me就甜左少少！日本姐姐竟然一個人對左3枝！係咪覺得自己唔夠sweet呀？ 呢個 strawberry Mille-feuille 拿破崙法式千層酥 簡直真心想投訴佢點解可以整到 咁 好 食！ ？ 首先本人對於 拿破崙 係存有私心既，但係佢又真係做到可以將士多啤梨同佢個千層酥皮能夠完美結合果下西利呀嘛！ 平時出面食拿破崙，好唔好食都算，勁大條一咬落去食到成嘴都係必晒出黎，但係呢度就岩岩好 細細件 一啖過 岩晒 要扮有儀態的你 唔係我：p！ 呢個strawberry pudding！ 勁smooth 勁好味！入面仲要超多料 唔知以為打緊邊爐！甜果隻！ 我食到一半 放低左隻tea spoon 半秒 就比 姐姐以為我食完收走左我果杯！到底有幾趕呀韓國人！ 好stress呀！一日未食完 都唔好放低 檯上的武器呀！ 拎多杯先！ 唔覺唔覺 大家每樣拎少少 成檯勁7彩賓粉！ 見到呢堆甜品 咩煩惱都無晒啦！ 唔好以為只有甜食！ 喊食的finger food 都有好多！ 其中我最喜愛的冠亞季 係晒度！ 第一位實至名歸的 蝦沙律酥皮撻！不得了！蝦肉勁爽口 細細舊 加埋 個 迷你酥皮撻！頂！而家諗起都想食！ 第二位 左上的三文魚 三文治 勁香口的煙三文魚味！唔係果d放左勁耐又臭又喊果d！ 第三位就係 香菇三文治！ 鐘意食菇的朋友 sorry 沒可能錯過架！sorry呀！ mini chocolate fondue！ 估都估唔到 佢竟然連 scone 都有！ 係岩岩焗出黎 勁香牛油味 仲要幫你查埋 佢地housemade的 strawberry jam 差在 未餵入你個口！ 勁滿意！加多1分比佢 係因為佢冇提子乾：p 咁多甜野 我需要的係一杯水 點知原來 仲會有杯用strawberry特製的 特飲一人一杯 Strawberry Affogato！ Strawberry Sparkling Wine！ 洗唔洗present到咁高級 我呢杯Strawberry Parfait黎的時侯真係 哇 的一聲 迎新歲！佢的份量真係嚇親哥哥我！ 層層都有驚喜！食極都食唔完 咁足料 4個胃都唔夠！ 我唯有本著由細到大 不論送人或自用都岩的 真理格言 ：要減肥 首先要食飽先有力氣 減！ KO所有野！ 以為呢個 係餐飲！點知原來仲有 coffee or tea！ 我地就咁 2點一路食到人地5點收埸！ 太強喇我地！ 我地係唯一 一檯由開波食到人地完埸！ 唔係講笑！ 點都要去一次！ 東大門 JW MARRIOT Strawberry Buffet 딸기 뷔페 平日monday－thursday： 38000 won 一位 14:00－17:00 假日friday－sunday ：56000 won一位 時間分段12:00－14:30／15:00－17:30 記住訂位電話tel ：02-6282-6736 Address : 279, Jongno-gu, Cheonggyecheon-ro, Jongno 6(yuk)-ga, Seoul (東大門站8或9號出口） 另外 介紹埋 Ritz Carlton 的strawberry buffet 只限 weekend : 53000 won 一人 分段時間 ：12:00-14:30/ 15:00-17:30 Tel : 02-3451-8271 address : 120 Bongeunsa-ro, Gangnam-gu, Seoul
