今次我去左銅鑼灣試一間想試好耐嘅日本料理度開餐！我以前返工係銅鑼灣時經常想去食，但又無時間，今次終於的起心肝拉埋食家 @daydaycheckin 去食佢個刺身盛+打卡❤️😍 刺身盛 $350/位呢個盆係2人份，全部都係最新鮮時令嘅海產刺身，超大盆呀😂❤️ 當日嘅刺身包括有生蠔、拖羅、金目線鯛、深海池魚、鰹魚、活帆立貝、活北寄貝、剥刺、牡丹蝦等等。 生蠔比較瘦，但鮮味好濃，細細隻幾好無咁漏。 牡丹蝦好大隻好似大頭蝦咁大，好鮮甜彈牙，真係好好味😍拖羅又係好甘香，不過我今果舊有少少筋。金線鯛好鮮味清新，好重魚油香，清新之選！整體黎講價錢唔算平，不過食得出佢地嘅刺身唔係雪藏魚，係冰鮮由日本即日空運送到果種，魚肉質地仲好腍好軟滑，所以貴得有道理，因為而家空運成本高嘛，橫掂去唔到日本慳左機票酒店錢，駛少少錢比自己扮去左日本都應該丫～(˶‾᷄ ⁻̫ ‾᷅˵)除左刺身盛，我地仲叫左3串日式串燒+一個明太子蟹肉醬焗蠔肉大啡菇批。先講下串燒，我地好豪氣叫左個燒白鱔串燒、月見雞軟骨串、燒墨魚嘴。 白鱔串燒$88 （鰻魚）有少少失望，因為質地唔夠鮮嬾順滑，有d梅+鞋，似係燒嘅時候無補水，搞到佢過乾，$88一串唔係平，我覺得佢需要改善下燒嘅手法先掂。反而白鱔上面果粒菊花好精彩，佢全部花都係食用花，一咬落去d香味爆哂出黎，我真係未食過咁好食嘅花！仲食到有好微細嘅蜜糖味，真心佢朵花係超好食❤️😍月見雞軟骨串$58超好味，呢個因為係肉丸做法，將雞軟骨切碎再混入雞肉製成棒棒，保留到好多水份，好正，佢仲有一隻半熟蛋比你當醬汁咁點，好豐富。 燒墨魚嘴$38無乜特別，有少少乾，唔係好知自己食緊咩，我覺得唔係特別好食，相比之下月見雞肉串係好好食😆最後介紹下個大啡菇批啦明太子蟹肉醬焗蠔肉大啡菇批 佢係一隻大啡菇，上面放左蟹肉絲、一隻蠔，再用明太子、沙律醬撈成一個汁淋上去，最後撒上蟹子粒，實在非常豐富又非常邪惡明太子沙律醬非常重口味，好濃好香嘅海鮮咸味加上蟹肉係超濃郁味道，中間隻蠔焗完仲好多水份，平均返過濃嘅明太子味，隻菇托底吸收哂蟹肉+蠔肉嘅肉汁，真係鮮味到不得了，諗起都想再食過呀！！！ 📍三川居酒屋📍地址: 銅鑼灣軒尼詩道499號永光商業大廈地庫🥼Wardrobe🥼👕 - @travelgenius.shop💍 - @dolcegabbana📷 Sony ZV1 @sonyhongkong📸 cameraman - @daydaycheckin📝 官方網站www.timbeelo.shop➥🔆 訂閱頻道－ https://www.youtube.com/c/窮遊達人MrTravelGenius?sub_confirmation=1足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel🅿️ Facebook📸 Instagram
