曼谷水門海南雞飯 我成日去旺角搵好野食，想搵又平又正又抵食嘅好西，終於搵到一間好正嘅海南雞飯專門店啦！ 個海南雞飯$30咋！真係好抵食呀！➥🔆 訂閱頻道－ https://www.youtube.com/c/窮遊達人MrTravelGenius?sub_confirmation=1呢間位於旺角女人街嘅曼谷水門海南雞飯係朋友帶我去試，我連佢個門口都搵唔到, 原來係凹左入去嘅! 呢度環境真心唔好有期望, 只可以用簡陋黎形容, 但其實個氣氛都真係幾似泰國小店 我睇完個餐牌好驚訝, 全店只係得4樣食品!!!!! 正宗水門海南雞飯、泰式軟綿綿豬手飯、青木瓜沙律、芒果糯米飯！ 係得呢4樣野賣！ 正宗水門海南雞飯HK$30首先講下佢個海南雞飯先，痴線，HK$30咋!!!! 我開頭係度諗，咁鬼平，應該都無好野。點知黎到，好大盒好多雞！D雞肉仲要好滑呀！好好味，份量又多！不過佢話自己係正宗水門雞，我覺得就唔係好正宗，因為水門雞皮係偏白，肉又薄又鞋；相反佢呢度嘅雞皮偏黃，肉好厚好滑，我覺得佢仲好食過泰國水門食嘅海南雞飯囉。點擊圖片放大 但都唔係最重點，重點係佢個飯！食落居然隱藏左好多香料係D飯度！有香茅、月桂葉、黃薑等等好多香料黎煮個飯，真係好香好好味呀個飯！個雞油香飯勁香濃又有層次，真心係超級好食！ 最緊要係性價比好高！HK$30盒比咁多料你，有無錢賺架???泰式軟綿綿豬手飯 HK$30呢個又係離譜，份量又係超多，D肉好厚，仲連皮，食豬手好多膠質好正~~~咸咸地有D滷水味好正！點擊圖片放大 青木瓜沙律 HK$1212蚊真係好平，咁份量都成正比，青木瓜份量都好多，好足料，酸酸地好好味點擊圖片放大 芒果糯米飯 HK$18真係估唔到個芒果糯米飯只係賣18蚊，不過的確份量係好少，芒果只係得幾薄片，唔會夠喉，但佢個糯米傻飯勝在有分白糯米飯同黑糯米飯一齊可以食到！好正~~~~點擊圖片放大 另外佢有飲品可以單點，我要咸檸七只係HK$12！真係好平好佛心呀~~~點擊圖片放大 如果你去叫一個海南雞飯+咸檸七，加埋只係HK$42蚊，抵食到核爆！ 其實我開頭以為D料好少，所以點多左半隻雞HK$80，最後飽到嘔~~~哈哈哈哈！真係意想不到咁抵食仲要好好食~~~~ 附註: 最後我想講，第二次我再去買，有個啊姐態度勁差，同佢講走翼，佢話無得揀，西口西面話個個都揀仲駛做生意?佢間舖已經一個客都無......邊度黎個個人都揀?個老細都一樣係黑口黑面，佢最後真係走翼比我，不過似乎得返一半雞，真係走左隻翼，得返勁少3片雞。去唔去幫襯，真係要自己衡量下啦。📍曼谷水門海南雞飯📍地址: 旺角通菜街1A-1L號威達商業大廈地下M號舖📷 Sony ZV1 @sonyhongkong📸 cameraman - @mr.travelgenius📝 窮遊達人 - 官方網站https://www.timbeelo.shop/足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
